आता अदानी समूह IRCTC ला देणार आव्हान, Gautam Adani रेल्वे क्षेत्रात ठेवणार पाऊल

अदानी समूह (Adani Group) आता रेल्वे क्षेत्रातही उतरण्याच्या तयारीत आहे. वास्तविक अदानी समूह आता ऑनलाइन रेल्वे तिकीट बुकिंग प्लॅटफॉर्म खरेदी करण्याच्या तयारीत आहे. म्हणजेच आता अदानी एंटरप्रायझेस लवकरच ऑनलाइन रेल्वे तिकीट विक्री करणार आहे. अदानी समुहाचे हे पाऊल इंडियन रेल्वे केटरिंग अँड टुरिझम कॉर्पोरेशनला (IRCTC) ऑनलाइन रेल्वे तिकीट बुकिंग व्यवसायात आव्हान देईल. अदानी एंटरप्रायझेसने शुक्रवारी याची घोषणा केली. अदानी समूहाने भारतीय शेअर बाजाराला यासंदर्भात माहिती दिली. ऑनलाइन ट्रेन तिकीट बुकिंग प्लॅटफॉर्म, स्टार्क एंटरप्रायझेस प्रायव्हेट लिमिटेडमध्ये 100 टक्के स्टेक घेण्यासाठी करारावर स्वाक्षरी केल्याची माहिती गटाने दिली.