Wine and Dine In Gujarat's GIFT City: गुजरातच्या 'गिफ्ट' सिटीमधील हॉटेल, रेस्टॉरंट आणि क्लबमध्ये करू शकाल मद्यपान; सरकार देणार परमिट
यासोबतच गिफ्ट सिटीच्या कर्मचाऱ्यांव्यतिरिक्त अधिकृत पाहुणे हॉटेल, रेस्टॉरंट किंवा क्लबमध्ये मद्यपान करू शकतात.
Wine and Dine In Gujarat's GIFT City: गुजरातमध्ये दारू पिणे किंवा दारूची विक्री करणे अवघड आहे, कारण येथे दारूबंदी लागू आहे. मात्र, आता सरकारने मद्यप्रेमींसाठी एक आनंदाची बातमी दिली आहे. गुजरातच्या गिफ्ट सिटीमध्ये (Gujarat International Finance Tec-City) तुम्ही ‘वाइन आणि डायन’ ऑफर करणारे हॉटेल्स, रेस्टॉरंट्स आणि क्लबमध्ये दारू पिऊ शकाल. गुजरात सरकारने गुरुवारी यासाठी सशर्त मंजुरी दिली आहे. गिफ्ट सिटीमध्ये काम करणाऱ्या सर्व कर्मचाऱ्यांना दारू पिण्याची परवानगी दिली जाईल. यासोबतच गिफ्ट सिटीच्या कर्मचाऱ्यांव्यतिरिक्त अधिकृत पाहुणे हॉटेल, रेस्टॉरंट किंवा क्लबमध्ये मद्यपान करू शकतात. मात्र हॉटेल/क्लब/रेस्टॉरंट्स दारूच्या बाटल्या विकू शकत नाहीत. गिफ्ट सिटीमधील हॉटेल्स/रेस्टॉरंट्स/क्लब यांना तेथे FL3 परवाना मिळू शकेल.
गुजरात इंटरनॅशनल फायनान्स टेक-सिटी (GIFT City) हा भारतातील गुजरातमधील गांधीनगर जिल्ह्यात निर्माणाधीन एक मध्यवर्ती व्यवसाय जिल्हा आहे. हे भारतातील पहिले कार्यरत ग्रीनफिल्ड स्मार्ट सिटी आणि आंतरराष्ट्रीय वित्तीय सेवा केंद्र आहे, ज्याला गुजरात सरकारने ग्रीनफिल्ड प्रकल्प म्हणून प्रोत्साहन दिले. गिफ्ट सिटीमध्ये प्रामुख्याने बँका, भांडवली बाजार संस्था, विमा कंपन्या आणि कॅप्टिव्ह मॅन्युफॅक्चरिंग युनिट्सचा समावेश होतो. गिफ्ट सिटीमध्ये 200 हून अधिक कंपन्या आहेत.
('सोशली' (SocialLY) हे आपल्यासाठी ट्विटर, इन्स्टाग्राम आणि यूट्यूब अशा सोशल मीडिया जगातील ताज्या ब्रेकिंग न्यूज, व्हायरल ट्रेंड व माहिती घेऊन येते. वृत्तात एम्बेड केलेली पोस्ट यूजर्सच्या सोशल मीडिया अकाऊंटमधून थेट एम्बेड करण्यात आली आहे. लेटेस्टलीच्या कर्मचाऱ्याने अथवा लेखकाने त्याचे संपादन किंवा त्यात सुधारणा केलेली नाही. सदर पोस्टमधील वस्तुस्थिती, प्रतिक्रियामधून लेटेस्टलीची मते प्रतिबिंबित होत नाहीत. तसेच या मजकूराची जबाबदारी अथवा उत्तरदायीत्व लेटेस्टली स्वीकारत नाही.)