Surat Accident: सुरतमध्ये मेट्रोच्या कामादरम्यान क्रेन उलटली; दोन जण जखमी (Watch)

सध्या गुजरातच्या सुरतमध्ये मोठ्या प्रमाणावर मेट्रोचे कामकाज चालू आहे. अशात काही भागात अपघाताच्या घटनाही समोर येत आहेत. आज सुरतमधील चौक बाजार परिसरात भरधाव वेगाने येणाऱ्या क्रेनच्या चालकाने दुचाकीसह रस्त्याच्या कडेला उभ्या असलेल्या पिता-पुत्रांना धडक दिली. त्यानंतर क्रेन उलटली. या घटनेनंतर परिसरात गदारोळ माजला. उपस्थित लोकांनी क्रेन चालकाला पकडून पोलिसांच्या ताब्यात दिले, तर जखमी मुलगा आणि त्याच्या वडिलांना उपचारासाठी खाजगी रुग्णालयात दाखल करण्यात आले. क्रेन उलटल्याचा व्हिडिओ सध्या व्हायरल होत आहे.

हा अपघात एवढा भीषण होता की, क्रेनने जोरात धडक दिल्याने पिता-पुत्र दुचाकीसह सुमारे 20 फूट फेकले गेले. ज्यामध्ये त्यांची दुचाकीही क्रेनखाली आली. सध्या क्रेन चालकाला अटक करण्यात आली असून पुढील कारवाई करण्यात आली आहे. (हेही वाचा: Bank Robbery Video: सूरत शहरात बंदुकीचा धाक दाखवत 13 लाखांचा दरोडा, व्हिडिओ व्हायरल)