Seema Kushwaha Joins BJP: निर्भया, हाथरस आणि श्रद्धा वालकर प्रकरणातील पीडितांच्या वकील सीमा कुशवाह यांचा भाजपमध्ये प्रवेश

Seema Kushwaha Joins BJP: आगामी लोकसभा निवडणुकीच्या 2024 च्या तारखांची घोषणा होऊनही विविध पक्षांच्या नेत्यांमध्ये पक्ष बदलण्याचा टप्पा सुरूच आहे. बहुजन समाज पक्षाच्या लालगंजच्या खासदार संगीता आझाद यांनी भारतीय जनता पक्षात प्रवेश केला आहे. यासोबतच सर्वोच्च न्यायालयाच्या वकील आणि बसपा नेत्या सीमा कुशवाह यांनीही सोमवारी भारतीय जनता पक्षात प्रवेश केला. भाजपचे राष्ट्रीय सरचिटणीस विनोद तावडे यांनी त्यांचे पक्षात स्वागत केले. कुशवाह या निर्भया सामूहिक बलात्कार, हाथरस सामूहिक बलात्कार आणि श्रद्धा वालकर हत्या यासारख्या ऐतिहासिक घटनांमध्ये पीडितांचे प्रतिनिधित्व करण्यासाठी प्रसिद्ध आहेत.

कुशवाह यांनी जानेवारी 2022 मध्ये मायावतींच्या नेतृत्वाखालील बहुजन समाज पक्ष (BSP) मध्ये प्रवेश केला होता. निर्भया सामूहिक बलात्कार आणि हत्या प्रकरणातील पीडितेच्या आईचे प्रतिनिधित्व केल्यानंतर कुशवाह प्रसिद्धीच्या झोतात आल्या होत्या. त्यानंतर त्यांनी निर्भया ज्योती ट्रस्टची स्थापना केली आणि बलात्कार पीडितांच्या बाजूने न्यायासाठी वकिली करण्याची मोहीम सुरू केली. (हेही वाचा: Bihar Loksabha Election 2024: बिहारमध्ये भाजप 17 जागांवर लढवणार निवडणूक, जेडीयूला मिळाल्या 'इतक्या' जागा)

('सोशली' (SocialLY) हे आपल्यासाठी ट्विटर, इन्स्टाग्राम आणि यूट्यूब अशा सोशल मीडिया जगातील ताज्या ब्रेकिंग न्यूज, व्हायरल ट्रेंड व माहिती घेऊन येते. वृत्तात एम्बेड केलेली पोस्ट यूजर्सच्या सोशल मीडिया अकाऊंटमधून थेट एम्बेड करण्यात आली आहे. लेटेस्टलीच्या कर्मचाऱ्याने अथवा लेखकाने त्याचे संपादन किंवा त्यात सुधारणा केलेली नाही. सदर पोस्टमधील वस्तुस्थिती, प्रतिक्रियामधून लेटेस्टलीची मते प्रतिबिंबित होत नाहीत. तसेच या मजकूराची जबाबदारी अथवा उत्तरदायीत्व लेटेस्टली स्वीकारत नाही.)