School Bus Driver Dies By Heart Attack: स्कूल बस चालकाला गाडी चालवताना अचानक आला हृदयविकाराचा झटका; मृत्युपूर्वी वाचवले 20 शाळकरी मुलांचे प्राण
दुर्दैवाने, गाडी थांबल्यावर मलयप्पन कोसळला. त्यानंतर त्याला तातडीने रुग्णालयात दाखल करण्यात आले, जिथे त्याला मृत घोषित केले. आता अनेकांनी शाळेतील मुलांच्या सुरक्षेसाठी त्याच्या समर्पणाची प्रशंसा केली आहे.
School Bus Driver Dies By Heart Attack: तामिळनाडूच्या तिरुपूर जिल्ह्यात एक स्कूल बस चालकाने आपल्या मृत्युपूर्वी जवळजवळ 20 शाळकरी मुलांचे प्राण वाचवले आहेत. मलयप्पन असे या चालकाचे नाव असून, स्कूल बस चालवताना अचानक त्याला हृदयविकाराचा झटका आला व त्यानंतर त्याचा मृत्यू झाला. माहितीनुसार, मलयप्पन हा तिरुपूर जिल्ह्यातील गंगेयम येथील रहिवासी होता. गुरुवारी सायंकाळी शाळकरी मुलांना घरी घेऊन जात असताना वेल्लाकोईल-करूर राष्ट्रीय महामार्गावर अचानक त्याच्या छातीत दुखू लागले. त्यावेळी त्या बसमध्ये जवळजवळ 20 मुले होती. मलयप्पनच्या छातीत दुखू लागल्यावर त्याचे गाडीवरील नियंत्रण सुटू लागले. अपघात होण्याची शक्यता निर्माण झाली. मात्र स्वतःची इतकी बिकट स्थिती असूनही, त्याने गाडीतील विद्यार्थ्यांच्या सुरक्षिततेची खात्री करण्यासाठी कसेबसे वाहन रस्त्याच्या कडेला थांबवण्यात यश मिळविले.
दुर्दैवाने, गाडी थांबल्यावर मलयप्पन कोसळला. त्यानंतर त्याला तातडीने रुग्णालयात दाखल करण्यात आले, जिथे त्याला मृत घोषित केले. आता अनेकांनी शाळेतील मुलांच्या सुरक्षेसाठी त्याच्या समर्पणाची प्रशंसा केली आहे. मलयप्पन हा वेल्लाकोइल येथील एएनव्ही मॅट्रिक शाळेत चालक म्हणून कार्यरत होता. तामिळनाडूचे मुख्यमंत्री एमके स्टॅलिन यांनीदेखील मलयप्पनच्या मृत्यूबद्दल शोक व्यक्त केला असून, त्याच्या कार्याची प्रशंसा केली आहे. (हेही वाचा: Kerala Challan Alert: सावध रहा! बाईक चालवताना मागे बसलेल्या व्यक्तीशी बोलल्यास होणार दंड; केरळ मोटार वाहन विभागाने जारी केले आदेश)
पहा पोस्ट-
இறக்கும் தருவாயிலும் இளம் பிஞ்சுகளின் உயிர்காத்த திரு. மலையப்பன் அவர்களது மறைவுக்கு ஆழ்ந்த இரங்கலைத் தெரிவித்துக் கொள்கிறேன்.
அவரது மனிதநேயமிக்க செயலால் புகழுருவில் அவர் வாழ்வார்! https://t.co/TLSZfV6Vez
— M.K.Stalin (@mkstalin) July 25, 2024
(SocialLY brings you all the latest breaking news, fact checks and information from social media world, including Twitter (X), Instagram and Youtube. The above post contains publicly available embedded media, directly from the user's social media account and the views appearing in the social media post do not reflect the opinions of LatestLY.)
(The above story first appeared on LatestLY on Jul 25, 2024 11:02 PM IST. For more news and updates on politics, world, sports, entertainment and lifestyle, log on to our website latestly.com).
