Meerut Shocker: मेरठमध्ये 3 वर्षाच्या निष्पाप मुलीचा कारमध्ये लॉक करून पार्टी करायला गेला तरुण; 4 तासांनंतर झाला गुदमरून मृत्यू, गुन्हा दाखल

उत्तर प्रदेशातील मेरठमध्ये कारमध्ये कोंडल्याने गुदमरून एका 3 वर्षाच्या निष्पाप मुलीचा मृत्यू झाला. मुलीच्या नातेवाईकांनी दिलेल्या माहितीनुसार, मुलगी तब्बल 4 तास कारमध्ये बंद पडून राहिल्याने तिचा गुदमरून मृत्यू झाला. मेरठ पोलिसांनी मुलीच्या मृत्यूप्रकरणी हिमाचल प्रदेशातील लान्स नाईक नरेश याच्याविरुद्ध गुन्हा दाखल केला आहे. लष्करात तैनात असलेल्या लान्स नाईकने आपल्या मुलीला गाडीतून फिरायला नेल्याचा आरोप मुलीच्या कुटुंबीयांनी केला आहे. कंकरखेडा परिसरातील रोहता रोडवर नाईकने मुलीला कारमध्येच ठेवले आणि तो मित्रांसोबत पार्टी करायला गेला. यावेळी त्याने कार लॉक केली होती. त्यानंतर गाडीतच मुलीचा मृत्यू झाल्याचा आरोप आहे. नरेशच्या निष्काळजीपणामुळे एका कुटुंबाने आपली एकुलती एक मुलगी गमावली. लान्स नाईक याच्या विरोधात निर्दोष हत्येचा अहवाल दाखल केला आहे. पोलिसांनी आरोपीला अटक केली आहे.

मुलीचे वडील सोमवीर पुनिया हे लष्करात असून ते हरियाणाचे रहिवासी आहेत. सध्या ते मेरठ कॅन्टोन्मेंटमध्ये तैनात आहेत. तर आरोपी नरेश हा लष्करात लान्स नाईक असून तोही शेजारी राहतो. सोमवीर पुनिया यांनी पोलिसांना सांगितले की, 30 ऑक्टोबर रोजी त्यांची 3 वर्षांची मुलगी वर्तिका घराबाहेर खेळत होती. त्यावेळी काहीही कल्पना ण देता नरेश आपल्या मुलीला गाडीतून फिरायला घेऊन गेला. कुटुंबीयांनी मुलीचा शोध घेतला असता नरेशच्या कारमध्ये ती बेशुद्धावस्थेत आढळून आली. मुलीला बेशुद्ध अवस्थेत रुग्णालयात नेले असता डॉक्टरांनी तिला मृत घोषित केले. (हेही वाचा; Bihar: छठघाट साफ करताना तीन बालकांचा बुडून मृत्यू, कुटुंबात पसरली शोककळा)

मेरठमध्ये 3 वर्षांच्या मुलीचा मृत्यू-

#Meerutnews थाना कंकरखेड़ा में सामने आया दिल दहला देने वाला मामला, आरोपी पर गैर इरादतन हत्या का मुकदमा दर्ज किया गया, सेना में तैनात एक जवान अपनी पड़ोसी की तीन वर्षीय बच्ची को कार घुमाने ले गया, रास्ते में दोस्त मिले तो बच्ची को गाड़ी में बंद कर दोस्तों के साथ पार्टी करने लगा,… pic.twitter.com/G1PWZEsz0o

— inextlive (@inextlive) November 6, 2024

(SocialLY brings you all the latest breaking news, fact checks and information from social media world, including Twitter (X), Instagram and Youtube. The above post contains publicly available embedded media, directly from the user's social media account and the views appearing in the social media post do not reflect the opinions of LatestLY.)

(The above story first appeared on LatestLY on Nov 06, 2024 05:05 PM IST. For more news and updates on politics, world, sports, entertainment and lifestyle, log on to our website latestly.com).