Madhya Pradesh: 400 फूट खोल बोअरवेलमध्ये 6 वर्षाचा मुलगा पडला; बचावकार्य सुरू (Watch)
बाळाच्या सुटकेसाठी बचावकार्य सुरू करण्यात आले आहे. मिळालेल्या माहितीनुसार, 50 फुटावर तन्मय अडकला आहे.
मध्य प्रदेशच्या बेतूल जिल्ह्यातील आठनेर ब्लॉकच्या मांडवी गावात मंगळवारी संध्याकाळी सहा वर्षीय तन्मय खेळत असताना 400 फूट खोल बोअरवेलमध्ये पडला. घटनेची माहिती मिळताच पोलीस प्रशासन घटनास्थळी दाखल झाले असून, बाळाच्या सुटकेसाठी बचावकार्य सुरू करण्यात आले आहे. मिळालेल्या माहितीनुसार, 50 फुटावर तन्मय अडकला आहे. शेतकरी सुनील दियाबर यांनी आठ दिवसांपूर्वी शेतात 400 फूट खोल बोअर खोदला होता. या घटनेबाबत बैतूलचे जिल्हाधिकारी अमनवीर सिंग बैस म्हणाले, मुलाला बोअरवेलमधून बाहेर काढण्याचे प्रयत्न सुरू केले आहेत. घटनास्थळी दोन जेसीबी मशीन पाठवण्यात आल्या आहेत. तहसीलदारांसह वरिष्ठ पोलीस अधिकारीही घटनास्थळी हजर आहेत.
('सोशली' (SocialLY) हे आपल्यासाठी ट्विटर, इन्स्टाग्राम आणि यूट्यूब अशा सोशल मीडिया जगातील ताज्या ब्रेकिंग न्यूज, व्हायरल ट्रेंड व माहिती घेऊन येते. वृत्तात एम्बेड केलेली पोस्ट यूजर्सच्या सोशल मीडिया अकाऊंटमधून थेट एम्बेड करण्यात आली आहे. लेटेस्टलीच्या कर्मचाऱ्याने अथवा लेखकाने त्याचे संपादन किंवा त्यात सुधारणा केलेली नाही. सदर पोस्टमधील वस्तुस्थिती, प्रतिक्रियामधून लेटेस्टलीची मते प्रतिबिंबित होत नाहीत. तसेच या मजकूराची जबाबदारी अथवा उत्तरदायीत्व लेटेस्टली स्वीकारत नाही.)