Kerala Boat Accident: केरळमधील मलप्पुरम जिल्ह्यातील तनूरजवळ पर्यटकांची बोट उलटली; 15 जणांचा मृत्यू, बचावकार्य सुरु
अनेक रुग्णवाहिका, अग्निशमन दलाचे जवान आणि स्वयंसेवकांच्या मदतीने बचावकार्य सुरू असल्याची माहितीही पोलिसांनी दिली.
केरळमधील मलप्पुरम जिल्ह्यातील तनूर (Tanur) भागातील ओट्टुमपुरमजवळ रविवारी (7 मे) संध्याकाळी एक पर्यटकांची हाउसबोट उलटली. या अपघातामध्ये बोटीतील मुलांसह 15 जणांचा मृत्यू झाला. घटनास्थळी बचावकार्य सुरू आहे. एएनआय या वृत्तसंस्थेला याची पुष्टी करताना केरळचे मंत्री व्ही अब्दुरहमान यांनी सांगितले की, बोट दुर्घटनेतील मृतांची संख्या 15 झाली आहे. पोलिसांनी सांगितले की, अपघातस्थळावरून मिळालेल्या प्राथमिक माहितीनुसार, बोटीवर सुमारे 40-50 प्रवासी होते, त्यापैकी 15 जणांचा मृत्यू झाला, तर जखमींना जवळच्या खाजगी आणि सरकारी रुग्णालयात दाखल करण्यात आले. सायंकाळी 7 वाजण्याच्या सुमारास ही घटना घडल्याचे त्यांनी सांगितले.
अनेक रुग्णवाहिका, अग्निशमन दलाचे जवान आणि स्वयंसेवकांच्या मदतीने बचावकार्य सुरू असल्याची माहितीही पोलिसांनी दिली. अपघाताचे कारण अद्याप समजू शकले नसून बुडालेली बोट किनाऱ्यावर आणण्याचे प्रयत्न सुरू असल्याचे त्यांनी सांगितले. केरळचे पर्यटन मंत्री मोहम्मद रियास कोझिकोडहून घटनास्थळी रवाना झाले आहेत. मृतांची संख्या वाढण्याची भीती व्यक्त केली जात आहे. (हेही वाचा: Uttar Pradesh Accident: मुरादाबादमध्ये भीषण अपघात; ट्रकने पिकअप व्हॅनला धडक दिल्याने 8 ठार, 15 जखमी)
#UPDATE | The Death toll has increased to 15 in boat capsize accident in Malappuram district of Kerala: Minister V Abdurahiman
— ANI (@ANI) May 7, 2023
(SocialLY brings you all the latest breaking news, fact checks and information from social media world, including Twitter (X), Instagram and Youtube. The above post contains publicly available embedded media, directly from the user's social media account and the views appearing in the social media post do not reflect the opinions of LatestLY.)
(The above story first appeared on LatestLY on May 07, 2023 11:08 PM IST. For more news and updates on politics, world, sports, entertainment and lifestyle, log on to our website latestly.com).
