HC on Matrimonial Dispute: 'सहिष्णुता हा विवाहाचा पाया आहे, मात्र अनेकदा पत्नीचे कुटुंब तिळाचा डोंगर करतात'- Gujarat High Court
न्यायमूर्ती दिव्येश ए जोशी यांच्या एकल न्यायमूर्तींच्या खंडपीठाने आपल्या 44 पानांच्या निर्णयात म्हटले आहे की, अनेक वेळा अशा प्रकरणांमध्ये पत्नीचे आई-वडील आणि जवळचे नातेवाईक परिस्थिती आहे त्या पेक्षा मोठी बनवतात.
HC on Matrimonial Dispute: एका महिलेने आपल्या पतीवर व कुटुंबातील सदस्यांवर हुंडा मागितल्याचा आणि अत्याचार केल्याचा आरोप करत, दाखल केलेला केलेला एफआयआर गुजरात उच्च न्यायालयाने फेटाळून लावला. यावेळी न्यायालयाने निरीक्षण नोंदवले की, सहिष्णुता म्हणजेच सहनशीलता हा चांगल्या वैवाहिक जीवनाचा पाया असला पाहिजे, परंतु अनेकदा अशा प्रकरणांमध्ये दिसून येते की, पत्नीचे कुटुंब, तिच्या माहेरचे लोक तीळाचा डोंगर बनवतात.
न्यायमूर्ती दिव्येश ए जोशी यांच्या एकल न्यायमूर्तींच्या खंडपीठाने आपल्या 44 पानांच्या निर्णयात म्हटले आहे की, अनेक वेळा अशा प्रकरणांमध्ये पत्नीचे आई-वडील आणि जवळचे नातेवाईक परिस्थिती आहे त्या पेक्षा मोठी बनवतात. खंडपीठाने म्हटले की, 'परिस्थिती बदलण्यासाठी आणि लग्न वाचवण्यासाठी सर्वतोपरी प्रयत्न करण्याऐवजी, अज्ञानामुळे किंवा क्षुल्लक मुद्द्यांमुळे किंवा पती आणि त्याच्या कुटुंबातील सदस्यांबद्दलच्या निव्वळ द्वेषामुळे विवाह पूर्णपणे नष्ट होतात.’ न्यायालयाने पुढे म्हटले की, चांगल्या विवाहाचा पाया म्हणजे सहिष्णुता, एकमेकांणा समजून घेणे आणि एकमेकांचा आदर करणे आहे. प्रत्येक विवाहात एकमेकांच्या दोषांबद्दल एक विशिष्ट प्रमाणात सहिष्णुता असणे आवश्यक आहे. क्षुल्लक भांडणे, क्षुल्लक मतभेद या सांसारिक बाबी आहेत, त्यांची अतिशयोक्ती करणे योग्य नाही. (हेही वाचा: Chhattisgarh HC on Schools Punishment: 'शिस्तीच्या नावाखाली मुलांवर होणारी शारीरिक हिंसा ही क्रूरताच'; छत्तीसगड उच्च न्यायालयाने नोंदवले निरीक्षण)
पहा पोस्ट-
Tolerance Is Foundation Of Marriage But Wife's Family Often Makes Mountain Out Of Mole, Courts Must Be Wary Of False FIRs: Gujarat High Court
Read full story: https://t.co/67iFnOvXBQ pic.twitter.com/Uy74TxgJ3s
— Live Law (@LiveLawIndia) August 8, 2024
(SocialLY brings you all the latest breaking news, fact checks and information from social media world, including Twitter (X), Instagram and Youtube. The above post contains publicly available embedded media, directly from the user's social media account and the views appearing in the social media post do not reflect the opinions of LatestLY.)
(The above story first appeared on LatestLY on Aug 08, 2024 07:13 PM IST. For more news and updates on politics, world, sports, entertainment and lifestyle, log on to our website latestly.com).
