HC on Marriage Between Hindus: 'दोन हिंदूंमधील विवाह एक पवित्र बंधन, एका वर्षात संपुष्टात येऊ शकत नाही'; Allahabad High Court ने फेटाळली जोडप्याची घटस्फोटाची याचिका
उच्च न्यायालयाने म्हटले की, या ठिकाणी कलम 14 अंतर्गत कोणतीही ‘अपवादात्मक परिस्थिती’ नाही, ज्यामुळे जोडप्याला एका वर्षाच्या आत घटस्फोटासाठी अर्ज करण्याची परवानगी दिली जाऊ शकते. मात्र, न्यायालयाने त्यांना एक वर्षानंतर पुन्हा अर्ज करण्याचा पर्याय दिला.
‘हिंदू विवाह’ हा पवित्र संबंध मानला जातो आणि असाधारण त्रास किंवा असाधारण अनैतिकता असल्याशिवाय परस्पर मतभेदाच्या कारणास्तव, तो एका वर्षाच्या आत संपुष्टात येऊ शकत नाही. पती-पत्नीची याचिका फेटाळताना अलाहाबाद उच्च न्यायालयाने ही महत्त्वाची टिपण्णी केली. कौटुंबिक न्यायालयाने विवाह रद्द करण्यास नकार दिल्याने या जोडप्याने उच्च न्यायालयात आव्हान दिले होते. त्यावर निकाल देताना उच्च न्यायालयानेही त्यांची याचिका फेटाळून लावत ही टिप्पणी केली. न्यायमूर्ती अश्विनी कुमार मिश्रा आणि डोनाडी रमेश यांच्या खंडपीठाने हिंदू विवाह कायदा, 1955 च्या कलम 14 चा हवाला देऊन सांगितले की, असाधारण त्रास किंवा असाधारण अनैतिकता असल्याशिवाय विवाहाच्या एका वर्षाच्या आत घटस्फोटाची याचिका दाखल केली जाऊ शकत नाही. तसेच केवळ पक्षांमधील सामान्य परस्पर मतभेदाच्या आधारावर, जोडप्याला एका वर्षाच्या आत घटस्फोटाची याचिका दाखल करण्याची सूट दिली जाऊ शकत नाही.
उच्च न्यायालयाने म्हटले की, या ठिकाणी कलम 14 अंतर्गत कोणतीही ‘अपवादात्मक परिस्थिती’ नाही ज्यामुळे जोडप्याला एका वर्षाच्या आत घटस्फोटासाठी अर्ज करण्याची परवानगी दिली जाऊ शकते. मात्र, न्यायालयाने त्यांना एक वर्षानंतर पुन्हा अर्ज करण्याचा पर्याय दिला.
HC on Marriage Between Hindus:
('सोशली' (SocialLY) हे आपल्यासाठी ट्विटर, इन्स्टाग्राम आणि यूट्यूब अशा सोशल मीडिया जगातील ताज्या ब्रेकिंग न्यूज, व्हायरल ट्रेंड व माहिती घेऊन येते. वृत्तात एम्बेड केलेली पोस्ट यूजर्सच्या सोशल मीडिया अकाऊंटमधून थेट एम्बेड करण्यात आली आहे. लेटेस्टलीच्या कर्मचाऱ्याने अथवा लेखकाने त्याचे संपादन किंवा त्यात सुधारणा केलेली नाही. सदर पोस्टमधील वस्तुस्थिती, प्रतिक्रियामधून लेटेस्टलीची मते प्रतिबिंबित होत नाहीत. तसेच या मजकूराची जबाबदारी अथवा उत्तरदायीत्व लेटेस्टली स्वीकारत नाही.)