Divorce for Making Fun of Religion: पत्नी उडवायची पतीच्या हिंदू धर्माची खिल्ली; उच्च न्यायालयाने मंजूर केला घटस्फोट, म्हटले- 'ही मानसिक क्रूरता'

Divorce for Making Fun of Religion: छत्तीसगड उच्च न्यायालयाने घटस्फोट प्रकरणी महत्त्वपूर्ण निर्णय दिला आहे. बिलासपूरमध्ये उच्च न्यायालयाने पतीला पत्नीने त्याच्या धार्मिक श्रद्धांचा आदर न केल्यास घटस्फोट घेण्याचा अधिकार असल्याचे मानले आहे. हिंदू पतीच्या धार्मिक विधी आणि देवतांची पत्नीकडून विटंबना केली जात असल्याचे न्यायालयाच्या निदर्शनास आले. त्यामुळे न्यायालयाने पत्नीचे अपील फेटाळले. तसेच, छत्तीसगड उच्च न्यायालयाने सांगितले की, धार्मिक ग्रंथांमध्ये पत्नीशिवाय पतीचा यज्ञ अपूर्ण राहतो. अशा परिस्थितीत पतीच्या धार्मिक श्रद्धेचा दीर्घकाळ अपमान करणे हे मानसिक क्रौर्याच्या श्रेणीत येते. या परिस्थितीत पतीला पत्नीला घटस्फोट देण्याचा अधिकार आहे.

या टिप्पणीसह या प्रकरणात उच्च न्यायालयाने हिंदू धर्माची खिल्ली उडवणाऱ्या ख्रिश्चन पत्नीला पतीने दिलेला घटस्फोट योग्य ठरवला आहे. यासोबतच न्यायालयाने पत्नीचे अपीलही फेटाळले आहे. न्यायमूर्ती रजनी दुबे आणि न्यायमूर्ती संजय जयस्वाल यांच्या दुहेरी खंडपीठासमोर बुधवारी या प्रकरणाची सुनावणी झाली अहवालानुसार, ख्रिश्चन पत्नी आपल्या पतीच्या हिंदू धर्माची सतत खिल्ली उडवत असे. यामुळे दुखावलेल्या पतीने तिला घटस्फोट दिला. कौटुंबिक न्यायालयाने दिलेल्या घटस्फोटाच्या निर्णयाविरोधात पत्नीने उच्च न्यायालयात अपील केले होते. (हेही वाचा: HC on Wife's Streedhan: पत्नीच्या संमतीशिवाय तिचे दागिने गहाण ठेवणे हा गुन्हेगारी विश्वासभंग; Kerala High Court ने पतीला ठरवले दोषी)

Divorce for Making Fun of Religion: 

('सोशली' (SocialLY) हे आपल्यासाठी ट्विटर, इन्स्टाग्राम आणि यूट्यूब अशा सोशल मीडिया जगातील ताज्या ब्रेकिंग न्यूज, व्हायरल ट्रेंड व माहिती घेऊन येते. वृत्तात एम्बेड केलेली पोस्ट यूजर्सच्या सोशल मीडिया अकाऊंटमधून थेट एम्बेड करण्यात आली आहे. लेटेस्टलीच्या कर्मचाऱ्याने अथवा लेखकाने त्याचे संपादन किंवा त्यात सुधारणा केलेली नाही. सदर पोस्टमधील वस्तुस्थिती, प्रतिक्रियामधून लेटेस्टलीची मते प्रतिबिंबित होत नाहीत. तसेच या मजकूराची जबाबदारी अथवा उत्तरदायीत्व लेटेस्टली स्वीकारत नाही.)