छत्तीसगडमधील रायपूर जिल्ह्यातून एक दुःखद बातमी समोर आली आहे. छत्तीसगडमधील प्रसिद्ध YouTuber देवराज पटेल याचा रस्ता अपघातात मृत्यू झाला आहे. ही बातमी समजल्यानंतर राजधानी रायपूरवर शोककळा पसरली आहे. देवराज पटेलचा 'दिल से बुरा लगता है' हा डायलॉग देशभरात व्हायरल झाला होता. आज (सोमवारी) देवराज रायपूर शहरातील लभंडी भागात व्हिडिओ बनवण्यासाठी निघाला होता, त्यावेळी भरधाव ट्रकची धडक बसून त्याचा जागीच मृत्यू झाला. मुख्यमंत्री भूपेश बघेल यांनीही ट्विट करून देवराज पटेल याच्या निधनावर शोक व्यक्त केला आहे. देवराज पटेलचे यूट्यूबवर 4 लाखांहून अधिक सबस्क्राइबर्स आहेत. त्याच्या व्हिडिओला लाखो व्ह्यूज मिळायचे. देवराज पटेल याने जाहिरातींमध्येही काम करण्यास सुरुवात केली होते. तो सोशल मीडिया स्टार अभिनेता भुवन बामसोबत एका व्हिडीओमध्ये दिसला होता. ट्विटरवर मोठ्या संख्येने लोक त्याला श्रद्धांजली वाहत आहेत. (हेही वाचा: पत्नीशी अफेअर असल्याच्या संशयावरून व्यक्तीने मित्राचा चिरला गळा, प्यायले रक्त; कर्नाटकातील भीषण घटना)

('सोशली' (SocialLY) हे आपल्यासाठी ट्विटर, इन्स्टाग्राम आणि यूट्यूब अशा सोशल मीडिया जगातील ताज्या ब्रेकिंग न्यूज, व्हायरल ट्रेंड व माहिती घेऊन येते. वृत्तात एम्बेड केलेली पोस्ट यूजर्सच्या सोशल मीडिया अकाऊंटमधून थेट एम्बेड करण्यात आली आहे. लेटेस्टलीच्या कर्मचाऱ्याने अथवा लेखकाने त्याचे संपादन किंवा त्यात सुधारणा केलेली नाही. सदर पोस्टमधील वस्तुस्थिती, प्रतिक्रियामधून लेटेस्टलीची मते प्रतिबिंबित होत नाहीत. तसेच या मजकूराची जबाबदारी अथवा उत्तरदायीत्व लेटेस्टली स्वीकारत नाही.)