Chhattisgarh Shocker: रायपूरमधील धक्कादायक घटना; 13 वर्षांच्या मुलाने केला 3 वर्षाच्या मुलीवर बलात्कार, आरोपीला अटक
मुलगी मुलाच्या घरी खेळण्यासाठी गेली होती, त्यानंतर आरोपीने तिला चॉकलेटचे आमिष दाखवून तिच्यावर बलात्कार केला. जेव्हा मुलगी रडू लागली तेव्हा आरोपीने तिला तिच्या घराबाहेर सोडले.
छत्तीसगडची राजधानी रायपूरमधून एक धक्कादायक घटना समोर आली आहे. येथे एका 13 वर्षीय किशोरवयीन मुलाने त्याच्या शेजारी राहणाऱ्या तीन वर्षांच्या मुलीवर बलात्कार केल्याचा आरोप आहे. पोलिसांनी मंगळवारी ही माहिती दिली. सोमवारी पंडारी पोलीस स्टेशन परिसरात घडलेल्या घटनेनंतर, आरोपी मुलाला ताब्यात घेण्यात आल्याचे एका अधिकाऱ्याने सांगितले. अहवालानुसार, मुलगी मुलाच्या घरी खेळण्यासाठी गेली होती, त्यानंतर आरोपीने तिला चॉकलेटचे आमिष दाखवून तिच्यावर बलात्कार केला. जेव्हा मुलगी रडू लागली तेव्हा आरोपीने तिला तिच्या घराबाहेर सोडले. मुलीला रडताना पाहून तिच्या आईने तिला कारण विचारले, त्यानंतर मुलीने तिला घटनेबद्दल सांगितले. नंतर पीडितेच्या पालकांनी पोलिसांशी संपर्क साधला आणि मुलाविरुद्ध एफआयआर दाखल करण्यात आला. आरोपीला ताब्यात घेण्यात आले आहे आणि त्याच्याविरुद्ध बलात्कार आणि लैंगिक गुन्ह्यांपासून मुलांचे संरक्षण (POCSO) कायद्याच्या तरतुदींनुसार गुन्हा दाखल करण्यात आला आहे. (हेही वाचा: Meerut Saurabh Murder Case: सौरभ हत्याकांड प्रकरणात मुस्कानला शिक्षेतून सूट मिळेल का? गर्भवती महिलांसाठी काय आहेत नियम? जाणून घ्या)
Chhattisgarh Rape Case-
('सोशली' (SocialLY) हे आपल्यासाठी ट्विटर, इन्स्टाग्राम आणि यूट्यूब अशा सोशल मीडिया जगातील ताज्या ब्रेकिंग न्यूज, व्हायरल ट्रेंड व माहिती घेऊन येते. वृत्तात एम्बेड केलेली पोस्ट यूजर्सच्या सोशल मीडिया अकाऊंटमधून थेट एम्बेड करण्यात आली आहे. लेटेस्टलीच्या कर्मचाऱ्याने अथवा लेखकाने त्याचे संपादन किंवा त्यात सुधारणा केलेली नाही. सदर पोस्टमधील वस्तुस्थिती, प्रतिक्रियामधून लेटेस्टलीची मते प्रतिबिंबित होत नाहीत. तसेच या मजकूराची जबाबदारी अथवा उत्तरदायीत्व लेटेस्टली स्वीकारत नाही.)