Blinkit Launches Bistro App: अवघ्या 10 मिनिटांत अन्न वितरणासाठी ब्लिंकिटने लाँच केले बिस्ट्रो ॲप; गुरुग्राममध्ये सेवा सुरु

अवघ्या 10 मिनिटांत अन्न वितरण करण्यासाठी  ब्लिंकिट आपले नवीन ‘बिस्ट्रो’ लाँच केले आहे. याद्वारे उच्च-गुणवत्तेचे, कॅन्टीन-शैलीतील खाद्यपदार्थ फक्त 10 मिनिटांत तुमच्या घरापर्यंत पोहोचवले जातील. सध्या ही सेवा गुरुग्राममध्ये काही ठिकाणी सुरु आहे. याबाबत 10 जानेवारी रोजी, ब्लिंकिटचे सीईओ अल्बिंदर धांडसा यांनी X वर माहिती दिली. ते म्हणतात, बिस्ट्रो हे ब्लिंकिट आणि झोमॅटोच्या बाहेरील नवीन ॲप आहे. या सेवेद्वारे पुरवल्या जाणाऱ्या पदार्थांमध्ये कोणतेही प्रिझर्वेटिव्ह वापरले जाणार नाहीत, तसेच ते मायक्रोवेव्हमध्ये गरम केले जाणार नाहीत. बिस्ट्रोमधील सर्व पदार्थ नैसर्गिक आणि आरोग्यदायी पद्धती वापरून तयार केले जातात, ज्यामुळे ग्राहकांना ताजेपणा आणि गुणवत्तेची पूर्ण खात्री मिळेल. या सेवेद्वारे असे पदार्थ निवडले जातील, जे अवघ्या 5 मिनिटांत बनू शकतील. या सेवेतील सर्व पदार्थ हेल्दी असून, ज्यामध्ये चवीबबत कोणतीही तडजोड केली जाणार नाही. धांडसा यांनी सांगितले की, कंपनी पाच मिनिटांत किंवा त्यापेक्षा कमी वेळात डिश तयार करण्यासाठी संशोधन, पायाभूत सुविधा आणि संशोधन आणि विकासात मोठी गुंतवणूक करत आहे. (हेही वाचा: Swiggy Snacc: झोमॅटो, झेप्टोशी स्पर्धा करण्यासाठी स्विगीने लाँच केले नवीन ॲप 'स्नॅक'; 10-15 मिनिटांत फूड डिलिव्हरी होणार)

Blinkit Launches Bistro App: