अन्नपूर्णा पर्वत मोहिमेदरम्यान जखमी झालेले गिर्यारोहक Anurag Maloo यांना काठमांडूहून आणले भारतात; Adani Foundation ने केली एअर अॅम्ब्युलन्सची व्यवस्था

नेपाळमधील अन्नपूर्णा पर्वताच्या मोहिमेदरम्यान राजस्थानचे गिर्यारोहक अनुराग मालू बेपत्ता झाले होते. शोधानंतर खोल दरीत गंभीर अवस्थेमध्ये ते सापडले. आता अनुराग मालू यांना काठमांडूहून खास विमानाने भारतात आणण्यात आले. अदानी फाऊंडेशनने व्यवस्था केलेल्या एअर अॅम्ब्युलन्समध्ये त्यांना एअरलिफ्ट करण्यात आले. सध्या त्यांच्यावर दिल्लीतील अखिल भारतीय आयुर्विज्ञान संस्थेत (एम्स) उपचार सुरू आहेत. अनुराग मालू हे गिर्यारोहक आणि क्लायमेट अॅथलीट आहे. वेळेवर एअरलिफ्टिंगसाठी मदत केल्याबद्दल त्यांनी अदानी फाऊंडेशनचे आभार मानले आहेत.

राजस्थानमधील किशनगढ येथील अनुराग एप्रिलच्या मध्यात कॅम्प-3 वरून उतरताना 6,000 मीटरवरून खाली पडून बेपत्ता झाले होते. अन्नपूर्णा पर्वत हा जगातील दहाव्या क्रमांकाचा उंच पर्वत आहे. (हेही वाचा: तामिळनाडू विल्लुपुरममध्ये विषारी दारुने आणखी 2 जणांचा मृत्यू, मृतांचा आकडा 18 वर)