Andhra Pradesh Shocker: शाळेत उशिरा येण्याची शिक्षा! मुख्याध्यापकांनी 18 विद्यार्थिनींचे केस कापले, उन्हात उभे केले, विभागाकडून निलंबन

आंध्र प्रदेशातील अल्लुरी सीतारामराजू जिल्ह्यातील एका शाळेतून एक धक्कादायक बाब समोर येत आहे. याठिकाणी मुख्याध्यापकांनी मुलींना सकाळच्या प्रार्थना सभेसाठी वेळेवर न आल्याने अशी शिक्षा दिली, ज्यामुळे वाद निर्माण झाला. उशिरा येण्याची शिक्षा म्हणून मुख्याध्यापकांनी 18 मुलींचे केस कापले, तसेच त्यांना उन्हात उभे केले. मदुगुला येथील कस्तुरबा बालिका विद्यालय (केजीबीव्ही) येथे हा भयंकर प्रकार घडला. विद्यार्थिनींनी सांगितले की, शुक्रवार, 15 नोव्हेंबर, कार्तिक पौर्णिमा सणाच्या दिवशी पाण्याअभावी त्या उशिरा शाळेत पोहोचल्या. त्यानंतर मुख्याध्यापकांनी त्यांचे केस कापले. हे प्रकरण उघडकीस आल्यानंतर जिल्हाधिकाऱ्यांनी आरोपी मुख्याध्यापकाला निलंबित केले आहे. पुढील तपास करण्यात येत आहे. ही घटना समोर आल्यावर शिक्षण विभागाने आरोपी प्राचार्य यू साई प्रसन्नाविरुद्ध तपास केला होता. त्यांच्यावरील आरोप खरे असल्याचे निष्पन्न झाल्याने जिल्हाधिकाऱ्यांनी रात्री उशिरा निलंबनाचे आदेश जारी केले. (हेही वाचा: MBBS Student Dies After Ragging: गुजरातमध्ये वरिष्ठांच्या रॅगिंगमुळे एमबीबीएसच्या विद्यार्थ्याचा मृत्यू; 3 तास उभे राहिल्यानंतर पडला बेशुद्ध)

मुख्याध्यापकांनी 18 विद्यार्थिनींचे केस कापले-