ITBP Band Playing 'Om Jai Jagdish harey' at Badrinath Temple: बद्रीनाथ मंदिरात ITBP बँडने वाजवली 'ओम जय जगदीश हरे' ची धून, Watch Video

ITBP Band Playing 'Om Jai Jagdish harey' at Badrinath Temple: हलक्या हिमवर्षाव आणि पावसाच्या दरम्यान, गढवाल हिमालयातील जगप्रसिद्ध बद्रीनाथ धामचे दार गुरुवारी धार्मिक विधींसह भाविकांसाठी खुले करण्यात आले. ब्रह्मा बेलामध्ये सकाळी 7:10 वाजता भगवान बद्रीविशाल मंदिराचे दरवाजे संपूर्ण वैदिक मंत्रोच्चार आणि धार्मिक विधींनी भाविकांसाठी उघडण्यात आले. यावेळी पंतप्रधान नरेंद्र मोदी यांच्या नावाने पहिली पूजा करण्यात आली. मंदिराचे दरवाजे उघडण्याच्या प्रसंगी हजारो भाविक धाममध्ये उपस्थित होते. यावेळी हेलिकॉप्टरमधून पुष्पवृष्टीही करण्यात आली. दरम्यान, यावेळी बद्रीनाथ मंदिरात ITBP बँडने 'ओम जय जगदीश हरे' ची धून वाजवली. बँडवर वाजवलेली ही धून सध्या सोशल मीडियावर चांगलीचं व्हायरल झाली आहे. हा व्हिडिओ पाहून नेटकऱ्यांनी ITBP बँडचं कौतुक केलं आहे.