Greater Noida Shocker: ग्रेटर नोएडामध्ये रात्रीच्या अंधारात बैलाची दुचाकीला धडक; दुचाकीस्वार जखमी

Greater Noida Shocker:  ग्रेटर नोएडामधील सेक्टर 16-बी येथील सुपरटेक ऑक्सफर्ड स्क्वेअरजवळ एका बैलाने दुचाकीला धडक दिल्याने दुचाकीस्वार जखमी झाला आहे. या घटनेचा एक व्हिडिओ व्हायरल झाला आहे. त्यात एक दुचाकीस्वार आपल्या लेनमध्ये सुसाट वेगाने जाताना दिसत आहे. तेवढ्यात एक काळ्या रंगाचा बैल दुचाकीसमोर येतो आणि त्याच्या दुचाकीला धडकतो. त्यानंतर दुचाकीस्वाराचे वाहनावरील नियंत्रण सुटते आणि तो खाली पडतो. दुचाकीस्वार खाली पडल्याचे पाहताच बाजूला उभ्या असलेल्या लोकांनी त्याला मदत केली. त्या व्यक्तीला उठण्यास मदत केली. सुदैवाने त्या व्यक्तीला गंभीर दुखापत झाली नाही. या घटनेसंदर्भात कोणतीही तक्रार दाखल करण्यात आलेली नाही, असे उत्तर प्रदेशातील बिसरख कोतवाली पोलिसांनी सांगितले.

ग्रेटर नोएडामध्ये रात्रीच्या अंधारात बैलाची दुचाकीला धडक