Video: शिवपुरी जिल्ह्यात ASI अधिकाऱ्याला बेदम मारहाण, घटनेचा व्हिडिओ व्हायरल
पुरणखेडी टोल प्लाझाजवळ ही घटना घडली. या हल्ल्यात अधिकारी आणि कर्मचारी जखमी झाले आहे.
Video: मध्य प्रदेशातील (Madhya Pradesh) शिवपूरी जिल्ह्यात कारवाई करण्यासाठी आलेल्या कृषी विभागाच्या पथकावर हल्ला करण्यात आला. पुरणखेडी टोल प्लाझाजवळ ही घटना घडली. या हल्ल्यात अधिकारी आणि कर्मचारी जखमी झाले आहे. व्हिडिओत दिसल्याप्रमाणे, काही कर्मचारी जीव वाचवण्यासाठी पळत आहे. याचदरम्यान एका एएसआयला लाथा बुक्क्यांनी मारहाण करून जमिनीवर फेकले आहे. त्यामुळे ते गंभीर जखमी झाले. मिळालेल्या माहितीनसुार, करचुकवेगिरीच्या तक्रारीवरून ग्वाल्हेर चंबळ विभागाच्या पथकाने कोलारस येथील पुरनखेडी टोल प्लाझाजवळ शेंगदाण्यांनी भरलेला ट्रक पकडला असता, चालकाला याबाबत कोणतेही कागदपत्र दाखवता आले नाही. या वेळी कारवाई सुरू असताना, काही लोक एक थार जीपमधून आले आणि त्यांनी वादविवाद सुरू केले. वादविवादानंतर एएसआयला काही जणांनी बेदम मारहाण केली. ही घटना जवळच असलेल्या सीसीटीव्ही कॅमेऱ्यात कैद झाली. या घटनेचा व्हिडिओ सोशल मीडियावर व्हायरल होत आहे. (हेही वाचा- कारची पादचाऱ्याला धडक, दोन गटात तुफान हाणामारी, सहा जणांस अटक (Watch Video)
घटनेचा व्हिडिओ व्हायरल