Gadkari First Poster: नितीन गडकरी यांच्या आयुष्यावर आधारित 'गडकरी' चित्रपटाची घोषणा; पहा पोस्टर
आरएसएस कार्यकर्ते ते केंद्रीय मंत्री असा 66 वर्षीय नितीन गडकरींचा प्रवास आता रूपेरी पडद्यावर देखील पहायला मिळणार आहे.
भारताचे हायवे मॅन अशी ओळख मिरवणार्‍य नितिन गडकरी यांच्या आयुष्यावर आधारित नव्या सिनेमाची घोषणा करण्यात आली आहे. 'गडकरी' असं या सिनेमाचं नाव असून 27 ऑक्टोबरला तो रिलीज होणार आहे. मुख्य भूमिकेत कोण असेल? हे नाव अद्याप गुलदस्त्यामध्ये आहे. अभिजीत मजुमदार प्रस्तुत, अक्षय देशमुख फिल्म्स निर्मित या चित्रपटाचे अक्षय अनंत देशमुख निर्माते आहेत. तर या चित्रपटाचे कथा, पटकथा आणि दिग्दर्शन अनुराग राजन भुसारी यांनी केले आहे.
पहा 'गडकरी' पोस्टर