The Broken News Trailer: ZEE5 ओरिजनल सीरिज 'द ब्रोकन न्यूज' चा जबरदस्त ट्रेलर रिलीज, 'ब्रेकिंग न्यूज' मागील दिसणार सत्याची झलक

भारतातील सर्वात मोठे देशांतर्गत OTT प्लॅटफॉर्म आणि बहुभाषिक कथाकार, ZEE5 आणखी एक रोमांचक बेव सिरिज 'द ब्रोकन न्यूज' (The Broken News Trailer) लाँच करण्यासाठी सज्ज आहे. सोनाली बेंद्रे या शोद्वारे एक अभिनेत्री म्हणून पुनरागमन करत असताना, हा शो तिचा ओटीटी पदार्पणही आहे. यात जयदीप अहलावत, श्रिया पिळगावकर, तारुक रैना, इंद्रनील सेनगुप्ता, फैसल रशीद, किरण कुमार, आकाश खुराना आणि संजीता भट्टाचार्य यांच्याही प्रमुख भूमिका आहेत. बीबीसी स्टुडिओज इंडिया निर्मित आणि विनय वैकुल दिग्दर्शित ही मालिका लोकप्रिय ब्रिटीश मालिका 'प्रेस' चे अधिकृत रूपांतर आहे. 'द ब्रोकन न्यूज' 10 जून रोजी हिंदी, तमिळ, तेलुगु आणि कन्नडमध्ये प्रीमियर होईल आणि 190+ देशांमध्ये फक्त ZEE5 वर उपलब्ध असेल.