Veteran Singer Anup Ghoshal Passes Away: ज्येष्ठ गायक-संगीतकार अनुप घोषाल यांचे वयाच्या 78 व्या वर्षी निधन
‘मासूम' चित्रपटामधील 'तुझसे नाराज नही जिंदगी' सारखे सुपरहिट गाणे देणारे अनुप घोषाल यांच्या निधनामुळे सिनेजगतात शोककळा पसरली आहे.
प्रख्यात गायक, संगीतकार अनुप घोषाल यांचे निधन झाले आहे. वयाच्या 78 व्या वर्षी अनुप यांनी या जगाचा निरोप घेतला. अनुप घोषाल दीर्घकाळापासून आरोग्याशी संबंधित समस्यांशी झुंजत होते. ‘मासूम' चित्रपटामधील 'तुझसे नाराज नही जिंदगी' सारखे सुपरहिट गाणे देणारे अनुप घोषाल यांच्या निधनामुळे सिनेजगतात शोककळा पसरली आहे. 1981 मध्ये 'हीरक राजार देशे'साठी पार्श्वगायक म्हणून त्यांना राष्ट्रीय पुरस्कारही मिळाला होता. त्यांनी सत्यजित रे यांना त्यांच्या बंगाली चित्रपटांमध्ये सहाय्यक संगीत दिग्दर्शक म्हणून सहाय्य केले होते. अनुप घोषाल हे 2011 मध्ये ममता बॅनर्जी यांच्या नेतृत्वाखालील अखिल भारतीय तृणमूल काँग्रेसचे उमेदवार म्हणून उत्तरपारा मतदारसंघातून (हुगली 185) पश्चिम बंगाल विधानसभेच्या सदस्यांपैकी एक म्हणून निवडून आले होते. (हेही वाचा: Shreyas Talpade Health Update: हृदयविकाराचा झटका आल्यानंतर अभिनेता श्रेयस तळपदेची पत्नी दीप्तीने दिले अभिनेत्याच्या प्रकृतीसंदर्भात 'हे' अपडेट)