Shilpa Shetty's House Robbery: अभिनेत्री शिल्पा शेट्टीच्या घरी चोरी, मुंबई पोलिसांनी दोघांना घेतलं ताब्यात
तक्रारीच्या आधारे जुहू पोलिस ठाण्यात चोरीचा गुन्हा दाखल करण्यात आला असून तपास सुरू करण्यात आला आहे, असे पोलिसांनी सांगितले. या प्रकरणी तपास पथकाने दोन जणांना ताब्यात घेतले असून त्यांची चौकशी सुरू असल्याचे अधिकाऱ्याने सांगितले.
बॉलिवूड अभिनेत्री शिल्पा शेट्टीच्या (Shilpa Shetty) घरात चोरीची घटना समोर आली आहे. याप्रकरणी मुंबई पोलिसांनी दोघांना ताब्यात घेतले आहे. जुहू येथील घरात ही चोरी झाल्याचे एका अधिकाऱ्याने सांगितले. गेल्या आठवड्यात अभिनेत्रीच्या जुहू येथील निवासस्थानातून काही मौल्यवान वस्तू चोरीला गेल्याचे अधिकाऱ्याने सांगितले. तक्रारीच्या आधारे जुहू पोलिस ठाण्यात चोरीचा गुन्हा दाखल करण्यात आला असून तपास सुरू करण्यात आला आहे, असे पोलिसांनी सांगितले. या प्रकरणी तपास पथकाने दोन जणांना ताब्यात घेतले असून त्यांची चौकशी सुरू असल्याचे अधिकाऱ्याने सांगितले. आपल्या फिटनेस आणि सौंदर्यामुळे नेहमीच चर्चेत राहणारी शिल्पा शेट्टीने एक दिवसापूर्वीच तिच्या चाहत्यांना एका पोस्टद्वारे सांगितले होते की ती इटलीमध्ये सुट्टी साजरी करत आहे. तिने स्विमसूट घातलेला एक फोटो जारी केला होता, ज्यामध्ये ती खूपच ग्लॅमरस दिसत होती.