Sidharth Malhotra आणि Kiara Advani अडकले लग्नबंधनात; शाही थाटात पार पडला विवाहसोहळा (See Pics)
रिपोर्ट्सनुसार, लवकरच सिद्धार्थ मल्होत्रा आणि कियारा अडवाणी दिल्लीत येणार आहेत व 9 फेब्रुवारीला दिल्लीत ग्रँड रिसेप्शनचे आयोजन करण्यात आले आहे.
शेरशाह चित्रपटात पडद्यावर दिसणारी सिद्धार्थ मल्होत्रा आणि कियारा अडवाणी ही जोडी आता खऱ्या आयुष्यात एकत्र आली आहे. मंगळवारी दोघांनी ‘सात फेरे’ घेतले. दोघांनी 7 फेब्रुवारी 2023 रोजी जैसलमेरच्या सूर्यगड पॅलेसमध्ये शाही पद्धतीने लग्न केले. आता सिद्धार्थ आणि कियाराचे लग्नाचे फोटो सोशल मीडियावर व्हायरल झाले आहेत. यात दोघांची जोडी खूपच क्यूट दिसत असल्याचे पाहायला मिळत आहे. दोघेही लग्नाच्या पोशाखात खूप सुंदर दिसत आहेत.
विशेष म्हणजे या जोडप्याने कधीही त्यांच्या नात्याबद्दल उघडपणे भाष्य केले नाही. आधी बातम्या येत होत्या की दोघे 6 फेब्रुवारीला लग्न करणार आहेत, पण 6 फेब्रुवारीला बातमी आली की लग्न 7 तारखेला आहे. या लग्नाला शाहिद कपूर मीरा, करण जोहर, जुही चावला, अंबानी कुटुंबासह अनेक सेलिब्रिटींनी हजेरी लावली होती. रिपोर्ट्सनुसार, लवकरच सिद्धार्थ मल्होत्रा आणि कियारा अडवाणी दिल्लीत येणार आहेत व 9 फेब्रुवारीला दिल्लीत ग्रँड रिसेप्शनचे आयोजन करण्यात आले आहे.