Esha Deol And Bharat Takhtani Divorce: अभिनेत्री ईशा देओल आणि भरत तख्तानी झाले वेगळे; लग्नाच्या 12 वर्षांनंतर तुटले नाते
ईशा देओल आणि भरत तख्तानी लग्नाच्या 12 वर्षानंतर वेगळे होत आहेत. दोघांनी परस्पर संमतीने वेगळे होण्याचा निर्णय घेतल्याचे सांगितले जात आहे.
Esha Deol And Bharat Takhtani Divorce: धर्मेंद्र आणि हेमा मालिनी यांची मुलगी अभिनेत्री ईशा देओलने 12 वर्षांपूर्वी बिझनेसमन भरत तख्तानीसोबत लग्न केले होते. दोघांचे वैवाहिक जीवन खूप चांगले चालले असल्याची माहिती मिळत होती. मात्र आता दोघांनी वेगळे होण्याचा निर्णय घेतला आहे. ईशा देओल आणि भरत तख्तानी लग्नाच्या 12 वर्षानंतर वेगळे होत आहेत. दोघांनी परस्पर संमतीने वेगळे होण्याचा निर्णय घेतल्याचे सांगितले जात आहे. त्यांनी एका संयुक्त निवेदनात म्हटले आहे की, 'आम्ही परस्पर संमतीने वेगळे होण्याचा निर्णय घेतला आहे. आमच्या जीवनातील या बदलामुळे आमच्या दोन मुलांचे सर्वोत्कृष्ट हित आणि कल्याण आमच्यासाठी अत्यंत महत्त्वाचे आहे आणि राहील.’ ईशा देओलने जून 2012 मध्ये भरतशी लग्न केले होते. मुंबईच्या इस्कॉन मंदिरात हा विवाह अत्यंत साधेपणाने पार पडला. लग्नाच्या पाच वर्षानंतर, हे जोडपे एका मुलीचे आई-वडील झाले आणि त्यानंतर 2019 मध्ये ईशाने त्यांच्या दुसऱ्या मुलीला जन्म दिला. (हेही वाचा: मृत्यूची खोटी बातमी पसरवणाऱ्या Poonam Pandey विरुद्ध Fir दाखल, मॅनेजरवरही कारवाई)