Salman Khan ची बहिण Arpita च्या घरी बाप्पांचे आगमन; कुटुंबाने एकत्र साजरी केली गणेश चतुर्थी (Watch Video)
आज संध्याकाळी सलमान खान आणि त्याचे कुटुंबीय गणेशोत्सव साजरा करण्यासाठी एकत्र आले होते. यावेळी सर्वांनी एकत्र आरती करून गणपतीचे आशीर्वाद घेतले.
आज गणेश चतुर्थीच्या दिवशी घरोघरी गणपती बाप्पांचे आगमन झाले आहे. बॉलीवूडमधील अनेक सेलेब्जनी देखील आपल्या घरी गणपतीची मूर्ती स्थापित केली आहे. दरवेळेप्रमाणेच यावेळीही हिंदी सिनेसृष्टीतील सुपरस्टार सलमान खानची बहीण अर्पिता आणि मेहुणा आयुष शर्मा यांच्या घरी गणपतीचे आगमन झाले. आज संध्याकाळी सलमान खान आणि त्याचे कुटुंबीय गणेशोत्सव साजरा करण्यासाठी एकत्र आले होते. यावेळी सर्वांनी एकत्र आरती करून गणपतीचे आशीर्वाद घेतले. यावेळी सलमानसह त्याचे आई-वडील, अभिनेत्री हेलन, भाऊ सोहेल, अर्पिता आणि आयुष उपस्थित होते. महत्वाचे म्हणजे यावेळी सलमानची अफवा असलेली गर्लफ्रेंड युलिया वंतूर हीदेखील दिसली. (हेही वाचा: Rohit Sharma Ganesh Chaturthi Celebration: क्रिकेटर रोहित शर्माने साजरी केली गणेश चतुर्थी; मंगलमय प्रसंगाचा फोटो सोशल मिडियावर व्हायरल)