5G Wireless Network: जुही चावलाची दिल्ली उच्च न्यायालयाच्या खंडपीठाकडे धाव; सिंगल बेंचच्या आदेशाला आव्हान, उद्या पार पडणार सुनावणी

बॉलिवूड अभिनेत्री जुही चावलाने 5G वायरलेस नेटवर्क प्रकरणी दिल्ली उच्च न्यायालयात धाव घेतली आहे. या नेटवर्कच्या रेडिएशनचे मानव, प्राणी आणि वनस्पतींवर होणारे दुष्परिणाम सांगत, अभिनेत्रीने सिंगल बेंचच्या निर्णयाला दिल्ली उच्च न्यायालयाच्या खंडपीठात आव्हान दिले आहे. सिंगल बेंचने अभिनेत्रीची याचिका फेटाळून लावत तिला 20 लाखांचा दंड ठोठावला होता. आता जुहीच्या याचिकेवर दिल्ली उच्च न्यायालयाचे खंडपीठ 23 डिसेंबरला म्हणजेच गुरुवारी सुनावणी करणार आहे.

जुही चावला, वीरेश मलिक आणि टीना वचानी यांनी दाखल केलेल्या याचिकेनुसार, जर दूरसंचार उद्योगातील 5G ​​योजना पूर्ण झाल्या, तर पृथ्वीवरील कोणताही माणूस, प्राणी, पक्षी इत्यादी त्याच्या विपरीत परिणामांपासून वाचणार नाही. या संदर्भात उच्च न्यायालयाने जूनमध्ये अभिनेत्रीची याचिका फेटाळून लावत तिला चांगलेच खडसावले होते. कोर्टात अभिनेत्रीच्या या याचिकेला पब्लिसिटी स्टंट असल्याचे म्हटले होते.

('सोशली' (SocialLY) हे आपल्यासाठी ट्विटर, इन्स्टाग्राम आणि यूट्यूब अशा सोशल मीडिया जगातील ताज्या ब्रेकिंग न्यूज, व्हायरल ट्रेंड व माहिती घेऊन येते. वृत्तात एम्बेड केलेली पोस्ट यूजर्सच्या सोशल मीडिया अकाऊंटमधून थेट एम्बेड करण्यात आली आहे. लेटेस्टलीच्या कर्मचाऱ्याने अथवा लेखकाने त्याचे संपादन किंवा त्यात सुधारणा केलेली नाही. सदर पोस्टमधील वस्तुस्थिती, प्रतिक्रियामधून लेटेस्टलीची मते प्रतिबिंबित होत नाहीत. तसेच या मजकूराची जबाबदारी अथवा उत्तरदायीत्व लेटेस्टली स्वीकारत नाही.)