सुषमा स्वराज सोबतच सोशल मीडियावरही कुवेत गायकाच्या आवाजातील वैष्णव जन तो... भजनाला वहवा ! ( Video)
कुवेत दौर्‍यादरम्यान मुबारक-अल-रशिद या स्थानिक गायकाने वैष्णव जन तो... भजानाच्या काही ओळी सुषमा स्वराज यांच्यासमोर गुणगुणल्या.
महात्मा गांधी हे भारताचे राष्ट्रपिता आहेत, त्यांनी जगाला अहिंसेचा मंत्र दिला. यंदा 2 ऑक्टोबरला महात्मा गांधींजींची 150 वी जयंती साजरी करण्यात आली. या निमित्ताने जगभरातील गायकांनी बापूजींचं अत्यंत आवडीचं भजन 'वैष्णव जन तो' हे त्यांच्या सुरात आणि स्टाईलमध्ये गायलं होतं. सुषमा स्वराज यांच्या कुवेत दौर्‍यामध्येही एका गायकाने या भजनाच्या काही ओळी गुणगुणल्या आहेत. त्याची सोशल मीडियावर चर्चा आहे. नक्की पहा : जगभरातील 124 देशातील गायकांच्या आवाजात पुन्हा निनादले 'वैष्णव जण तो.. ' चे सूर
भारताच्या परराष्ट्र मंत्री सुषमा स्वराज सध्या कुवेतच्या दौर्‍यावर आहेत. या दौर्‍यादरम्यान मुबारक-अल-रशिद या स्थानिक गायकाने भजानाच्या काही ओळी सुषमा स्वराज यांच्यासमोर गुणगुणल्या. उपस्थितांसोबतच सुषमा स्वराज यांनी रशिदच्या प्रयत्नांना दाद दिली. गाण्यादरम्यान टाळ्या वाजवून त्यांनी रशिदचं कौतुक केलं.
#WATCH: Kuwaiti singer Mubarak Al-Rashid sings the favourite bhajan of Mahatma Gandhi `Vaishnav Jan to Tene Kahiye’ during an event in Kuwait, in the presence of EAM Sushma Swaraj. pic.twitter.com/aKqy1HM2hn
— ANI (@ANI) October 30, 2018
सुषमा स्वराज सध्या चार दिवसांच्या आखाती देशांच्या दौर्‍यावर आहे. कुवेतच्या भारतीय दुतावासात एका कार्यक्रमाचे आयोजन करण्यात आले होते. त्यावेळेस रशिद यांनी खास भजन सादर केलं.
(The above story first appeared on LatestLY on Oct 31, 2018 12:10 PM IST. For more news and updates on politics, world, sports, entertainment and lifestyle, log on to our website latestly.com).
