Beaten up (PC - Pixabay)

Navi Mumbai Shocking: नवी मुंबईतील (New Mumbai) दिघा येथून अत्यंत धक्कादायक बातमी समोर येत आहे. पत्नीने फॅशनेबल बांगड्या ( Fashionable Bangles) घातल्याने तिला पतीसह तीन जणांकडून मारहाण करण्यात आली आहे. या प्रकरणी महिलेचा पती आणि त्याच्या दोन नातेवाईकांविरुद्ध पोलिसांनी गुन्हा दाखल केला आहे.

तथापी, 23 वर्षीय महिलेने दिलेल्या फिर्यादीवरून रबाळे एमआयडीसी पोलिसांनी गुन्हा दाखल केला आहे. फिर्यादीनुसार, पीडितेचा पती प्रदीप अरकडे (वय, 30) हा फॅशनेबल बांगड्या घालण्याच्या विरोधात होता. या मुद्द्यावरून त्याचा पत्नीशी वाद झाला. (हेही वाचा -Pune Crime News: पुण्यात खळबळजनक घटना, नमाजसाठी गेलेल्या ९ वर्षाच्या मुलावर लैगिंक अत्याचार)

दरम्यान, 13 नोव्हेंबर रोजी तिच्यासोबत झालेल्या वादाच्या वेळी महिलेच्या 50 वर्षीय सासूने तिला केस ओढले आणि पीडितेला मारहाण केली. तसेच तिच्या पतीने तिला बेल्टने मारहाण केली. या घटनेनंतर पीडित तरुणी पुण्यात तिच्या आई-वडिलांच्या घरी गेली. तिने या प्रकरणी तक्रार दाखल केली आहे. त्यानंतर हे प्रकरण चौकशीसाठी नवी मुंबई येथे वर्ग करण्यात आले.

आरोपी पती आणि त्याच्या नातेवाईकांविरोधात भारतीय दंड संहिता (आयपीसी) कलम 323 (स्वैच्छिकपणे दुखापत करणे), 324 (धोकादायक शस्त्रे किंवा साधनांनी स्वेच्छेने दुखापत करणे), 34 (सामान्य हेतूने), 504 (उत्तरभंगास चिथावणी देण्याच्या हेतूने हेतुपुरस्सर अपमान) अंतर्गत गुन्हा दाखल करण्यात आला आहे.