Maharashtra Weather Forecast: कोकणात गडगडाटासह वादळी पाऊस, तर उर्वरीत महाराष्ट्रातही विजांच्या कडकडाटासह दमदार पावसाची शक्यता; घ्या जाणून
हवामान विभागाने आज सकाळी (17 एप्रिल 2023) वर्तवलेल्या नियमीत बुलेटीनंध्ये रत्नागिरी जिल्ह्यात काही ठिकाणी विजांच्या गडगडाटासह वादळी पाऊसाची शक्यता वर्तवली आहे. या वेळी ताशी 30 ते 40 किमी वेगावे वाहू लागेल, असाही अंदाज वर्तवला आहे.
Weather Forecast: राज्यातील अवकाळी पाऊस थांबण्याचे नाव घेत नाही. हा पाऊस नजीकचे काही दिवस तरी असाच मुक्काम टाकण्याच्या तयारीत आहे, असे हवामान विभागाने वर्तवलेल्या अंदाजावरुन निदर्शनास येते. खास करुन कोकणात पुढचे काही तास महत्त्वाचे आहेत. तर उर्वरीत महाराष्ट्रतही काही ठिकाणी मेघगर्जना, विजांचा कडकडाट आणि वादळी वाऱ्यासह पावसाची शक्यता हवामान विभागाने वर्तवली आहे. त्यामुळे शेतकऱ्यांसाठी हा आठवडाही काहीसा चिंताजनक ठरु शकतो. हवामान विभागाने वर्तवलेल्या अंदाजानुसार कोकणातील काही जिल्ह्यांना यलो अलर्ट जारी केला आहे. दरम्यान, हवामान विभागाने आज सकाळी (17 एप्रिल 2023) वर्तवलेल्या नियमीत बुलेटीनंध्ये रत्नागिरी जिल्ह्यात काही ठिकाणी विजांच्या गडगडाटासह वादळी पाऊसाची शक्यता वर्तवली आहे. या वेळी ताशी 30 ते 40 किमी वेगावे वाहू लागेल, असाही अंदाज वर्तवला आहे.
यलो अलर्ट जारी केलेले कोकणातील जिल्हे
यलो अलर्ट- पालघर- मंगळवार आणि बुधवार
यलो अलर्ट- ठाणे आणि रत्नागिरी- बुधवार
यलो अलर्ट- सिंधुदुर्ग- बुधवार आणि गुरुवार
यलो अलर्ट काळात कोकणात मेघगर्जनेसह दमदार पाऊस होण्याची शक्यता आहे. त्यामुळे नागरिकांनी काळजी घ्यावी, असे हवामान विभागाने म्हटले आहे. दुसऱ्या बाजूला मात्र, राजधानी मुंबईतील वातावरण कोरणे राहणार आहे. त्यामुळे मुंबईकरांना काहीसा उकाड्याचा सामना करावा लागू शकतो. (हेही वाचा, Unseasonal Rain: अहमदनगर जिल्ह्यात वादळी वाऱ्यासह अवकाळी पाऊस, शेतीला मोठा फटका)
उर्वरीत महाराष्ट्रात मेघगर्जनेसह पावसाची शक्यता
हवामान विभागाने वर्तवलेल्या अंदाजानुसार, अनेक ठिकाणी मेघगर्जनेसह पाऊस हजेही लावू शकतो. यात धुळे, नंदुरबार, नाशिक, कोल्हापूर, सांगली, सोलापूर, परभणी, हिंगोली आदी जिल्ह्यांचा समावेश आहे. दुसऱ्या बाजूला नांदेड, लातूर आणि उस्मानाबाद जिल्ह्यातही पाऊस आपली वृष्टी कायम ठेऊ शकतो. चंद्रपूर, बुलडाणा, गडचिरोली, वाशिम, यवतमाळ, वर्धा, नागपूर, गोंदिया, भंडारा, अमरावती आणि अकोला आदी जिल्ह्यातही मंगळवार, बुधवार आणि गुरुवार या तीन दिवसांमध्ये सलग किंवा खंड देऊन पर्जन्यवृष्टी होऊ शकते.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)