मुंबई-पुणे एक्सप्रेस हायवेवर वाहनाची वेगमर्यादा झाली 100 किमी प्रति तास; 18 नोव्हेंबरपासून नवा नियम लागू
रस्ते वाहतूक आणि महामार्ग मंत्रालयाच्या अधिसूचनेने यापूर्वी ही मर्यादा 80 किमी प्रतितासवरून 120 किमी प्रतितास केली होती, मात्र आता पुन्हा त्याच्यामध्ये बदल करण्यात आला आहे.
नोव्हेंबरच्या मध्यापासून तुम्ही जर का मुंबई ते पुणे दरम्यान वाहन चालविण्याचा विचार करत असाल तर, गाडी चालवण्याचा नवा वेग ध्यानात ठेवा. नोव्हेंबरच्या मध्यापासून तुम्ही मुंबई ते पुणे दरम्यान 120 किमी प्रतितास वेगाने प्रवास करू शकणार नाही. आता राज्य वाहतूक पोलिसांनी एक्सप्रेस वेवरील गाड्यांची गती मर्यादा 100 किमी प्रति तास केली आहे. रस्ते वाहतूक आणि महामार्ग मंत्रालयाच्या अधिसूचनेने यापूर्वी ही मर्यादा 80 किमी प्रतितासवरून 120 किमी प्रतितास केली होती, मात्र आता पुन्हा त्याच्यामध्ये बदल करण्यात आला आहे.
25 ऑक्टोबर रोजी राज्य पोलिसांच्या अतिरिक्त पोलिस महासंचालकांनी (एडीजी) महामार्ग, द्रुतगती महामार्ग आणि इतर की कनेक्टिंग रोडवरील वेग मर्यादेसाठी अधिसूचना जारी केली. त्याद्वारे सहा श्रेणींमध्ये विभागलेल्या वाहनांना पाच श्रेणीतील रस्त्यांवर चालण्यासाठी सुधारित गती मर्यादा देण्यात आल्या. या रस्त्यांचे नंतर विमान आणि डोंगराळ भागानुसार वर्गीकरण करण्यात आले. रस्ते अपघातांचे प्रमाण 10% कमी करण्यासाठी सर्वोच्च न्यायालयाने नियुक्त केलेल्या रस्ते सुरक्षेच्या समितीने केलेल्या सूचनेवर हा निर्णय घेण्यात आला आहे. (हेही वाचा: मुंबई-पुणे एक्स्प्रेस वे अपघात: महामार्गावरील चुकीच्या पार्किंगमुळे 2 वर्षांत 106 जणांचा मृत्यू)
नवीन वेग मर्यादा 18 नोव्हेंबरपासून लागू होण्याची शक्यता आहे. एमएसआरडीसीच्या वरिष्ठ अधिकाऱ्याने सांगितले की, पुणे एक्स्प्रेस वेच्या घाट विभागात गती मर्यादा आधीच 50 किमी प्रतितास होती, त्यामध्ये काही बदल केला नाही. एडीजी (ट्रॅफिक) च्या सूचनांनुसार ते लवकरच नवीन वेग मर्यादेसह नवी चिन्हे रस्त्यावर लावली जातील.