Uddhav Thackeray Oath Taking Ceremony Live Updates: मुख्यमंत्री उद्धव ठाकरे यांनी आपल्या कुटुंबासह घेतले सिद्धिविनायकाचे दर्शन

उद्धव ठाकरे यांनी महाराष्ट्राच्या मुख्यमंत्री पदाची शपथ घेतली आहे. त्यांच्यासोबत महाविकास आघाडीच्या सहा नेत्यांनीही मंत्रीपदाची शपथ घेतली. शिवतीर्थावर या सोहळ्याची सांगता झाल्यानंतर उद्धव ठाकरे यांनी आपल्या कुटुंबासह सिद्धिविनायक गणपतीचे दर्शन घेतले.

उद्धव ठाकरे यांनी महाराष्ट्राच्या मुख्यमंत्री पदाची शपथ घेतली आहे. या ऐतिहासिक घटनेनंतर चहुबाजूंनी त्यांच्यावर शुभेच्छांचा वर्षाव होत आहेत. या पार्श्वभूमीवर देशाचे पंतप्रधान नरेंद्र मोदी यांनीही उद्धव ठाकरे यांना शुभेच्छा दिल्या आहेत. नरेंद्र मोदी आपल्या ट्वीट मध्ये म्हणतात, 'उद्धव ठाकरेंनी महाराष्ट्राच्या मुख्यमंत्रिपदाची शपथ घेतल्याबद्दल त्यांचे अभिनंदन. मला विश्वास आहे की ते महाराष्ट्राच्या उज्ज्वल भविष्यासाठी परिश्रमपूर्वक काम करतील'.

उद्धव ठाकरे आता महाराष्ट्राचे नवे व 19 वे मुख्यमंत्री झाले आहेत. शिवतीर्थावर नुकताच हा शपथविधी सोहळा पार पडला. मुख्यमंत्री उद्धव ठाकरे यांच्यासह शिवसेनेचे नेते एकनाथ शिंदे व सुभाष देसाई, राष्ट्रवादी कॉंग्रेचे दिग्गज नेते जयंत पाटील व छगन भुजबळ आणि कॉंग्रेसचे बाळासाहेब थोरात व नितीन राऊत यांनीही मंत्रीपदाची शपथ घेतली.  

राष्ट्रीय काँग्रेस पक्षातून उद्धव ठाकरे यांच्या मंत्रिमंडळासाठी बाळासाहेब थोरात व नितीन राऊत यांनी मंत्रीपदाची शपथ घेतली.

राष्ट्रवादी कॉंग्रेचे दिग्गज नेते जयंत पाटील यांनीही आज मंत्रीपदाची शपथ घेतली. जयंत पाटील हे राष्ट्रवादी काँग्रेस पक्षाचे विद्यमान प्रदेशाध्यक्ष आहेत, तसेच ते पक्षाचा एक अश्वासक चेहराही आहेत. राष्ट्रवादी कॉंग्रेसचे नेते छगन भुजबळ यांनी जय महाराष्ट्र म्हणत आपल्या मंत्रीपदाची शपथ घेतली.

उद्धव ठाकरे यांच्यानंतर शिवसेनेचे नेते एकनाथ शिंदे, सुभाष देसाई यांनीही मंत्रीपदाची शपथ घेतली. भाजपसोबतची युती तुटल्यापासून शिवसेनेला नव्या आघाडीसाठी सज्ज करण्यास या दोन्ही नेत्यांचा फार मोलाचा वाट होता.

अखेर तो क्षण आलाच, ज्या गोष्टीसाठी शिवसेनेने इतका अट्टाहास केला होता त्यानुसार उद्धव ठाकरे ठाकरे यांनी महाराष्ट्राच्या नव्या मुख्यमंत्री पदाची शपथ घेतली. उद्धव ठाकरे हे महाराष्ट्राचे 19 वे मुख्यमंत्री असणार आहेत. देशभरातीत तमाम नेते, कार्यकर्ते, जनता यांच्यासमोर शिवतीर्थावर हा शपथ विधी सोहळा पार पडला.

उद्धव ठाकरे यांच्या मुख्यमंत्री पदाच्या शपविधीसाठी सोनिया गांधी, राहुल गांधी व मनमोहन सिंह हे कॉंग्रेसचे दिग्गज उपस्थिती राहू शकत नाहीत. मात्र या तिघांनीही आपल्या शुभेच्छा उद्धव ठाकरे यांना दिल्या आहेत. नुकतेच मनमोहन सिंह यांनी ट्वीट करत आजच्या या घटनेबद्दल आपल्याला फार आनंद झाल्याचे मत केले आहे.

आजच्या शपथविधी सोहळ्यासाठी व्यासपीठावर मान्यवरांचे आगमन झाले आहे. अवघ्या 20 मिनिटांत उद्धव ठाकरे मुख्यमंत्री पदाची शपथ घेणार आहेत. ठाकरे कुटुंबीय आपले निवासस्थान मातोश्रवरून शिवतीर्थासाठी रवाना झाले आहेत. 

उद्धव ठाकरे यांचा आज शपथविधी सोळा पार पडत आहे. या पार्श्वभूमीवर देशातील तमाम नेत्यांना निमंत्रित केले गेले आहे. काल संध्याकाळी आदित्य ठाकरे यांनी स्वतः दिल्लीला जाऊन सोनिया गांधी आणि मनमोहन सिंह यांना निमंत्रण दिले होते. मात्र सोनिया गांधी व राहुल आजच्या या सोहळ्यासाठी उपस्थित राहू शकले नाही. मात्र दोघांनीही आपल्या शुभेच्छा उद्धव ठाकरे व नव्या सरकारला दिल्या आहेत.

आज संध्याकाळी उद्धव ठाकरे मुख्यमंत्रीपदाची शपथ घेत आहेत. या सोहळ्यासाठी मैदानावर प्रचंड गर्दी झाली आहे. तसेच व्यासपीठावर मान्यवरांचे आगमन व्हायला सुरुवात झाली आहे. पवार कुटुंबीयांपैकी अजित पवार, पार्थ पवार आणि सुप्रिया सुळे मैदावर पोहचले आहेत. 

महाविकास आघाडीच्या शपथविधी सोहळ्याला सोनिया गांधी राहणार अनुपस्थित; उद्धव ठाकरे यांना दिल्या  शुभेच्छा.

महाविकास आघाडीच्या शपथविधी नंतर कॅबिनेटची पहिली बैठक होणार आहे. दरम्यान आज शिवाजी पार्कवरील शपथविधी सोहळा पार पडल्यानंतर उद्धव ठाकरे सरकार पहिला कोणता निर्णय घेणार? याचं उत्तर थोड्याच वेळात मिळणार आहे.

महाविकास आघाडीच्या एकसूत्री कार्यक्रम जाहीर झाला आहे. भूमिपुत्रांना नोकरीमध्ये प्राधान्य देण्यात येणार आहे. 80% भूमिपुत्रांना नोकरी देण्याचा दावा महाविकास आघाडीकडून करण्यात आला आहे. तर आर्थिक दृष्ट्या मागास मुलींना मोफत शिक्षण देण्याचा सरकारचा प्रयत्न असेल.   

महाविकास आघाडीच्या एकसूत्री कार्यक्रमामध्ये धर्म निरपेक्ष मूल्य जाहीर करण्यात आले आहे. शिवसेना आता केवळ हिंदुत्त्व जपणार नाही तर त्यांच्यासोबत समाजातील सार्‍या घटकांच्या विकासावर लक्ष देणार आहे, 

महाविकास आघाडीचा एकसूत्री कार्यक्रम जाहीर  करण्यास सुरूवात झाली आहे. एकनाथ शिंदे, जयंत, नवाब मलिक या पत्रकार परिषदेला उपस्थित आहेत. दरम्यान समजातील सार्‍या घटकांच्या विकासासोबत  शेतकरी, सामान्य यांचंं हे सरकार आहेत अशी भावना निर्माण करण्यासाठी हे सरकार काम करणार आहे. असे एकनाथ शिंदे यांनी सांगितले आहे.  

महाविकास आघाडीच्या पत्रकार परिषदेला सुरूवात झाली आहे. शपथविधी सोहळ्याच्या पार्श्वभूमीवर आता शिवसेना, कॉंग्रेस, एनसीपी त्यांच्या किमान समान कार्यक्रमाची माहिती देणार आहेत. 

राष्ट्रवादी काँग्रेसचे नेते अजित पवार यांनी म्हटले आहे की, आजच्या शपथविधी सोहळ्यात केवळ मुख्यमंत्री आणि शिवसेना, राष्ट्रवादी काँग्रेस, काँग्रेस अशा प्रत्येकी 2 मंत्र्यांचा म्हणजेच एकूण सहा मंत्र्यांचा शपथविधी मुख्यमंत्री उद्धव ठाकरे यांच्यासोबत पार पडणार आहे. बाकी चर्चा विश्वासदर्शक ठराव संमत झाल्यानंतर करण्यात येईल. 

राष्ट्रवादी काँग्रेसचे नेते अजित पवार यांनी म्हटले आहे की, आजच्या शपथविधी सोहळ्यात केवळ मुख्यमंत्री आणि शिवसेना, राष्ट्रवादी काँग्रेस, काँग्रेस अशा प्रत्येकी 2 मंत्र्यांचा म्हणजेच एकूण सहा मंत्र्यांचा शपथविधी मुख्यमंत्री उद्धव ठाकरे यांच्यासोबत पार पडणार आहे. बाकी चर्चा विश्वासदर्शक ठराव संमत झाल्यानंतर करण्यात येईल. 

राष्ट्रवादी काँग्रेस पक्षाकडे असलेल्या संख्याबळाचा विचार करता पक्षाला अडिच वर्षे मुख्यमंत्री पद मिळावे असा दावा अजित पवार यांनी केल्याची माहिती पुढे येत आहे. प्रसारमाध्यमांनी सूत्रांच्या हवाल्याने दिलेल्या वृत्तानुसार, शिवसेना आमदारांच्या तुलनेत राष्ट्रवादीचे केवळ दोनच आमदार कमी आहेत. त्यामुळे राष्ट्रवादी काँग्रेस पक्षाला हे पद मिळावे असा दावा पवार यांनी केला आहे.