Stone Pelting On Bhusawal Nandurbar Passenger Train: भुसावळ-नंदुरबार ट्रेन वर अमळनेर जवळ अर्धा तास दगडफेक; प्रवासी सुखरूप

भुसावळ-नंदुरबार पॅसेंजर (Bhusawal Nandurbar Passenger Train) वर सुमारे अर्धा तास दगडफेक झाल्याचा प्रकार समोर आला आहे. ट्रेनमध्ये साखळी खेचून मध्येच ट्रेन थांबवून तिच्यावर दगडफेक झाली आहे. ही घटना काल 12 जुलै च्या संध्याकाळची आहे. अमळनेर (Amalner)

जवळील ही घटना आहे. सुदैवाने यामध्ये कोणाही प्रवाशाला दुखापत झालेली नाही मात्र या घटनेचा व्हिडिओ सध्या सोशल मीडीयामध्ये वायरल होत आहे.

भुसावळहून नंदुरबारकडे जाताना पॅसेंजर ट्रेन वर हा हल्ला झाला. अमळनेर रेल्वेस्थानकावरून 11 वाजता ही ट्रेन सुटली. यामध्ये हजारो यात्रेकरू प्रवास करत होते. भोरटेक रेल्वेस्टेशन पूर्वी काही यात्रेकरूंनी धार टेकडीजवळ साखळी ओढली आणि ट्रेन थांबवली. त्यानंतर काही जण खाली उतरले अशावेळी ट्रेनवर दगडफेक सुरू झाली.

भुसावळ-नंदुरबार पॅसेंजर वर दगडफेक

ट्रेनवर दगडफेक सुरू होताच प्रवाशांनी भीतीपोटी आरडाओरड सुरू केली. दरम्यान या दगडफेकीमागील नेमकं कारण अद्याप समजू शकलेले नाही. काही वेळाने ट्रेन हळूहळू पुढे नेण्यात आली.

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)