Sara Tendulkar Joins Father’s Foundation: सारा तेंडुलकर वडिलांच्या फाऊंडेशनमध्ये संचालक

माजी क्रिकेटपटू सचिन तेंडुलकर (Sachin Tendulkar) यांची कन्या सारा तेंडुलकर (Sara Tendulkar) या आपल्या वडिलांच्या फाउंडेशनमध्ये (Sachin Tendulkar Foundation) संचालक म्हणून रुजू झाल्या आहेत. स्वत: सचिन यांनीच ही घोषणा बुधवारी (4 डिसेंबर) केली. क्रीडा, आरोग्यसेवा आणि शिक्षणातील उपक्रमांना प्रोत्साहन देण्यासाठी स्थापन करण्यात आलेल्या या संस्थेने आता युनिव्हर्सिटी कॉलेज लंडनमधून क्लिनिकल आणि पब्लिक हेल्थ न्यूट्रिशनमध्ये पदव्युत्तर पदवी घेतलेल्या साराच्या कौशल्याचे स्वागत केले, असेही ते म्हणाले.

सचिन यांनी व्यक्त केला आनंद

सचिन तेंडूलकर यांनी एक्स (पूर्वीचे ट्विटर) वर साराच्या सहभागाबद्दल आनंद व्यक्त केला. आपल्या पोस्टमध्ये ते म्हणाले, "माझी मुलगी सारा तेंडुलकर @STF_India मध्ये संचालक म्हणून सामील झाली आहे, हे सांगताना मला खूप आनंद होत आहे. क्रीडा, आरोग्यसेवा आणि शिक्षणाच्या माध्यमातून भारताला सक्षम बनवण्याच्या या प्रवासाला ती सुरुवात आहे. तिची निवड जागतिक शिक्षण पूर्ण वर्तुळात कसे येऊ शकते याची आठवण करून देते", असे तेंडुलकरने लिहिले. (हेही वाचा, Sachin Tendulkar Debut: आजच्याच दिवशी 1989 मध्ये 16 व्या वर्षी सचिन तेंडुलकरने आंतरराष्ट्रीय क्रिकेटमध्ये केले होते पदार्पण; पहिल्याच मालिकेत पाकिस्तानला फोडला होता घाम)

तेंडुलकरचा वारसा सुरूच

तेंडुलकर यांचे चाहते आणि या कुटुंबावर प्रेम करणारे हितचिंतकांच्या म्हणन्यानुसार, एसटीएफमध्ये सारा तेंडुलकरची नियुक्ती हा तेंडुलकर कुटुंबाच्या सामाजिक कल्याणाप्रती असलेल्या बांधिलकीचा आणखी एक अध्याय आहे. साराची शैक्षणिक पार्श्वभूमी समुदायांना सक्षम करण्यासाठी क्रीडा आणि शिक्षणाचा लाभ घेत असताना आरोग्यसेवा आणि पोषणामध्ये प्रभावी बदल घडवून आणण्याच्या फाउंडेशनच्या ध्येयाशी सुसंगत आहे, असेही हे चाहते सांगतात. (हेही वाचा, Sachin Tendulkar Share Post: मास्टर ब्लास्टर सचिन तेंडूलकरने कन्या दिना निमित्त शेअर केली पोस्ट, सोशल मीडियावर रंगली चर्चा)

सचिन तेंडुलकरः कामगिरी

'क्रिकेटचा देव' म्हणून ओळखल्या जाणाऱ्या सचिन तेंडुलकरच्या नावावर आंतरराष्ट्रीय क्रिकेटमधील अतुलनीय विक्रम आहेत. एकूण 664 सामन्यांमध्ये सचिनने 48.52 च्या सरासरीने 34,357 धावा केल्या आहेत. ज्यामुळे तो खेळाच्या इतिहासातील सर्वाधिक धावा करणारा खेळाडू ठरला.

सचिन तेंडूलकर यांच्याकडून आनंद व्यक्त

कारकिर्दीतील महत्त्वाचे टप्पेः

• 100 आंतरराष्ट्रीय शतकेः हा पराक्रम करणारा एकमेव क्रिकेटपटू.
• एकदिवसीय सामन्यातील पहिले दुहेरी शतकः 2010 मध्ये दक्षिण आफ्रिकेविरुद्ध.
• 200 कसोटी सामनेः हा टप्पा गाठणारा पहिला खेळाडू.
• 2011 आय. सी. सी. क्रिकेट विश्वचषक विजेताः भारताच्या विजयात त्यांनी महत्त्वाची भूमिका बजावली.
• कसोटीत तेंडुलकरने 53.78 च्या सरासरीने 51 शतकांसह 15,921 धावा केल्या. एकदिवसीय सामन्यांमध्ये त्याने 49 शतके आणि 96 अर्धशतकांसह 18,426 धावा केल्या आहेत.

एसटीएफची नवीन संचालक म्हणून, सारा तेंडुलकरचे उद्दिष्ट सार्वजनिक आरोग्य, शिक्षण आणि क्रीडा विकासातील महत्त्वाच्या समस्यांकडे लक्ष देऊन तिच्या वडिलांचा वारसा पुढे नेण्याचे आहे. तेंडुलकर कुटुंबाची सामाजिक प्रगतीप्रती असलेली बांधिलकी पुढे नेण्याचा तिचा विचार आहे.