Big Theft In Yavatmal: शेतकरी कुटुंबाच्या घरात दरोडा, 30 लाख रुपयांसह 20 तोळे सोने चोरले
यवतमाळ जिल्ह्यातील महागाव तालुक्यातील जंगलात राहणाऱ्या एका शेतकरी कुटुंबाच्या घरात चोरट्यांनी सशस्त्र दरोडा टाकला आहे.
Theft (PC - Pixabay)
Big Theft In Yavatmal: यवतमाळ जिल्ह्यातील महागाव तालुक्यातील जंगलात राहणाऱ्या एका शेतकरी कुटुंबाच्या घरात चोरट्यांनी सशस्त्र दरोडा टाकला आहे. चाकू आणि बंदूकीची धाक दाखवत चोरट्यांनी घरातून 30 लाख रुपये आणि 20 तोळे सोन्यांची चोरी केली आहे. चोरट्यांनी कुटुंबावर प्राणघातल हल्ला केला. चोरी करून चोरटे फरार झाले आहे. या घटनेनंतर गावात एकच खळबळ उडाली आहे. चोरीच्या वेळीस घरात तीन ते चार जण उपस्थित होते. (हेही वाचा- विहिरीत पोहायला गेलेल्या दोन तरुणाचा बूडून मृत्यू , नांदेड येथील घटना)
मिळालेल्या माहितीनुसार, संतोष पांडे यांच्या घराच चोरी झाली. संतोष आपल्या कुटुंबासोबत महागावच्या मिरची इजारा येथील जंगलापासून ६० किलो अंतरावर राहत आहे. घनदाट जंगलाचा आणि काळोखाचा फायदा घेत चोरटे जंगलातून आले. चोरट्यांनी रात्री घरातील सर्व कुटुंब सदस्यांवर हल्ला केला. या हल्ल्यात दोन बहिणी गंभीर जखमी झाले. शस्राचा धाक दाखवत चोरट्यांनी 30 लाख रुपये आणि घरातील 20 तोळे सोने पळवले. या घटनेची तात्काळ माहिती पोलिसांना देण्यात आली.
पोलिसांनी पांडे कुटुंबाच्या तक्रारीनुसार गुन्हा नोंदवून घेतला. पोलिस या घटनेचा पुढील तपास करत आहे. चोरीच्या घटनेमुळे गावात नागरिकांमध्ये भीतीचे वातावरण पसरले आहे. पांड्ये कुटुंबांनी पोलिसांना सांगितले की, त्यांनी नुकताच कापूस विकला होता. त्याचेच पैसे त्यांनी घरात ठेवले होते. या घटनेनंतर कुटुंबाला मोठा धक्का बसला आहे. पोलिसांनी या घटनेचे गांभीर्य घेत पाच पथक नेमले आहे. पोलिसांनी घटनास्थळी गाठून पांडे कुटुंबाचा जबाब नोंदवला आहे. या प्रकरणाचा तपास महागाव पोलिस ठाण्याचे पोलिस निरीक्षक करीत आहे,
(The above story first appeared on LatestLY on Jun 10, 2024 12:40 PM IST. For more news and updates on politics, world, sports, entertainment and lifestyle, log on to our website latestly.com).
