Pune Shocker: पुण्यात अजित पवार गटाचा नेता Shantanu Kukde ला बलात्काराच्या आरोपाखाली अटक; NGO च्या आवारात सापडल्या दारूच्या बाटल्या (Video)
समर्थ पोलीस स्टेशनचे वरिष्ठ पोलीस निरीक्षक उमेश गित्ते म्हणाले, दोन्ही पीडितांच्या तक्रारींनंतर याबाबत 25 मार्च रोजी एफआयआर नोंदवला आहे. त्यानुसार, कुकडेला बीएनएस आणि लैंगिक गुन्ह्यांपासून मुलांचे संरक्षण कायद्याच्या विविध कलमांखाली अटक करण्यात आली.
पुण्यामध्ये (Pune) उपमुख्यमंत्री अजित पवार यांच्या गटातील राष्ट्रवादी काँग्रेस पक्षाच्या नेत्याला एका तरुणी आणि अल्पवयीन मुलीवर बलात्कार (Rape) केल्याच्या आरोपाखाली अटक करण्यात आली आहे. आरोपीचे नाव शंतनू कुकडे (Shantanu Kukde) असे आहे, जो शहरातील नाना पेठ परिसरात रेड हाऊस फाउंडेशन नावाची एनजीओ चालवतो. महत्वाचे म्हणजे बलात्काराची घटना कुकडे चालवत असलेल्या एनजीओच्या आवारात घडली. अधिकाऱ्यांनी गुरुवारी याबाबत माहिती दिली. पोलिसांनी दिलेल्या माहितीनुसार, कुकडेने त्याच्या एनजीओद्वारे मदत देण्याच्या बहाण्याने त्या महिलेला आणि मुलीशी संपर्क साधला. त्यानंतर त्याने दोघींनाही त्याच्या एनजीओच्या कार्यालयात आणले आणि त्यांच्या राहण्याची व्यवस्था केली. पुढे त्याने त्यांच्याशी अवैध शारीरिक संबंध प्रस्थापित केले. कुकडे हा अजित पवार यांच्या पक्षाच्या अल्पसंख्याक सेलचा महाराष्ट्र उपाध्यक्ष आहे.
समर्थ पोलीस स्टेशनचे वरिष्ठ पोलीस निरीक्षक उमेश गित्ते म्हणाले, दोन्ही पीडितांच्या तक्रारींनंतर याबाबत 25 मार्च रोजी एफआयआर नोंदवला आहे. त्यानुसार, कुकडेला बीएनएस आणि लैंगिक गुन्ह्यांपासून मुलांचे संरक्षण कायद्याच्या विविध कलमांखाली अटक करण्यात आली आहे. तो सध्या पोलीस कोठडीत आहे. रिमांडची तारीख संपल्यानंतर, त्याला न्यायालयासमोर हजर करून, त्याची कोठडी वाढवण्याची मागणी केली जाईल. कुकडे याच्या स्वयंसेवी संस्थेच्या तपासणीदरम्यान, अनेक रिकाम्या दारूच्या बाटल्या आढळून आल्या, ज्यामुळे परिसरात सुरू असलेल्या क्रियाकलापांबद्दल संशय निर्माण झाला.
एनजीओच्या आवारात सापडल्या दारूच्या बाटल्या:
दुसरीकडे, कसबा येथील माजी आमदार आणि शिंदे सेनेचे नेते रवींद्र धंगेकर म्हणाले, दोन दिवसांनी ही बाब उघडकीस आली. असे दिसते की पोलीस हे प्रकरण लपवण्याचा प्रयत्न करत आहेत. एका एनजीओच्या नावाखाली कुकडे याने अनेक पुरुष आणि महिलांचे धर्मांतर दुसऱ्या धर्मात केले आहे. एनजीओच्या बँक खात्यात बरेच बेकायदेशीर व्यवहार आढळले आहेत. लोकांना मदत करण्याच्या बहाण्याने कुकडेने गैरफायदा घेतला आणि अनेक मुली आणि महिलांना एनजीओच्या आवारात ठेवले. कोणत्याही राजकीय दबावाशिवाय याची निष्पक्ष चौकशी झाली पाहिजे. (हेही वाचा: Pune Shoker: 10 वर्षांच्या मुलीवर बलात्कार, लग्नासाठी जबरदस्ती; पुणे येथील धक्कादायक घटना)
कुकडे याने एनजीओच्या आत एक पब उभारला होता आणि अनेक राजकीय नेते त्या ठिकाणी मजा करण्यासाठी येत होते, असा आरोपही धंगेकर यांनी केला. इथे किती मुलांचे धर्मांतर झाले आहे आणि एनजीओचे आर्थिक व्यवहार काय आहेत, याचीही पोलिसांनी सखोल चौकशी करण्याची गरज आहे. हे एकच प्रकरण नाही; जर पोलिसांनी योग्य तपास केला तर बलात्कार आणि छेडछाडीच्या अनेक घटना समोर येतील, असे धंगेकर म्हणाले. त्यांनी महिला आयोगाच्या प्रमुख रूपाली चाकणकर यांना हस्तक्षेप करून सखोल चौकशी व्हावी यासाठी पत्र दिले आहे.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)