Suicide | Representational Image | (Photo Credits: Pixabay)

पुण्यात पोलिस उपनिरीक्षकाने गळफास घेत आयुष्य संपवल्याचा एक धक्कादायक प्रकार समोर आला आहे. अण्णा गुंजाळ (Anna Gunjal) असं या पीएसआय (PSI) चं नाव असून लोणावळा जवळ असलेल्या टायगर पॉंईंट (Tiger Point) भागात झाडाला गळफास घेत त्याने आयुष्य संपवलं आहे. या घटनेनंतर पोलिस खात्यातही खळबळ उडाली आहे. दरम्यान अण्णा गुंजाळ यांच्या आत्महत्येमागील कारण अद्याप समजू शकलेले नाही.

अण्णा गुंजाळ हे खडकी पोलिस स्टेशन मध्ये कामाला होते. मागील 3 दिवसांपासून ते ड्युटी वर देखील नव्हते. त्यांचा संपर्क देखील होत नव्हता. अशामध्ये त्यांनी गळफास घेत आयुष्य संपवल्याचं समोर आलं आहे. अण्णा गुंजाळ यांच्या कुटुंबाला देखील ते बेपत्ता असल्याने चिंता होती. त्यांनी अण्णा गुंजाळ बेपत्ता असल्याची तक्रार केली होती. नक्की वाचा: Mahim Suicide Case: माहीम मध्ये तरूणीची आत्महत्या; 'दोनदा प्रेगंसी मध्ये बॉयफ्रेंड ने जबाबदारी झटकल्याने' उचललं टोकाचं पाऊल .

लोणावळा मध्ये टायगर पॉईंट वर त्यांची गाडी सापडली आहे. तेथेच त्यांची एक डायरी देखील सापडली आहे. या डायरीत काही कारण सापडते का? याचा तपास पोलिस करत आहेत. दरम्यान पोलिसांनी मृतदेह ताब्यात घेतला आहे. खडकी पोलिसांना  112 नंबर वर घटनेची माहिती मिळताच त्यांनी तेथे धाव घेतली आहे. लटकलेल्या अवस्थेतील मृतदेह खाली उतरवण्यासाठी पोलिसांना  शिवदुर्ग मित्र रेस्कू पथकाच्या सदस्यांनी मदत केली.

Tele Manas (Ministry of Health) – 14416 or 1800 891 4416; NIMHANS – + 91 80 26995000 /5100 /5200 /5300 /5400; Peak Mind – 080-456 87786; Vandrevala Foundation – 9999 666 555; Arpita Suicide Prevention Helpline – 080-23655557; iCALL – 022-25521111 and 9152987821; COOJ Mental Health Foundation (COOJ) – 0832-2252525.Mumbai nightlife