Tourist Safety Rules Imposed in Pune: लोणावळा, मावळ मध्ये पावसाळी सहलींवर प्रशासानाचे निर्बंध; एकवीरा देवी मंदिर ते पवना धरणावर जाण्यास 31 ऑगस्ट पर्यंत प्रतिबंधात्मक आदेश

पावसाळ्याचे दिवस सुरू झाल्याने आता पर्यटकांमधील वर्षासहलीचा उत्साह पाहता पुणे जिल्हाधिकार्‍यांनी सुरक्षेच्या कारणास्तव काही Prohibitory Orders जारी केल्या आहेत. हे निर्बंध 31 ऑगस्ट पर्यंत लागू असणार आहेत. यामध्ये लोणावळा आणि मावळ तालुक्याचा समावेश आहे.  जिल्हाधिकारी जितेंद्र दुडी यांनी बैठक घेत भारतीय नागरी संरक्षण संहिता, 2023 च्या कलम 163 अंतर्गत हे आदेश जारी केले आहेत, जे पर्यटकांच्या सुरक्षिततेसाठी आणि पावसाळी पर्यटनादरम्यान कायदा आणि सुव्यवस्था राखण्यासाठी आवश्यक आहेत.

कोणत्या भागामध्ये निर्बंध लागू असणार?

जारी निर्बंध एकवीरा देवी मंदिर, कार्ला आणि भाजे लेणी, भाजे धबधबा, लोहगड, विसापूर आणि तिकोना सारखे किल्ले तसेच टायगर पॉइंट, लायन्स पॉइंट आणि शिवलिंग पॉइंट सारख्या निसर्गरम्य दृश्यांसह पर्यटन स्थळांना लागू आहेत. पवना धरण आणि इतर ठिकाणे देखील त्या निर्बंधांमध्ये येतात.  नक्की वाचा: Monsoon Treks In Maharashtra: कळसूबाई ते तोरणा मान्सून मध्ये ट्रेकिंगला कुठे जाल?

प्रतिबंधित क्षेत्रांमध्ये पर्यटकांना वेगाने वाहणाऱ्या पावसाच्या पाण्याच्या प्रवाहात प्रवेश करण्यास, धोकादायक पाण्यात पोहण्यास किंवा धबधब्यांकडे जवळून जाण्यास मनाई आहे. धबधब्याखाली बसण्यास पूर्णपणे बंदी असली तसेच या ठिकाणी सेल्फी आणि छायाचित्रे घेण्यास मनाई आहे.

बेदरकारपणे वाहन चालवणे, असुरक्षित ओव्हरटेकिंग करणे आणि रस्त्यावर आणि धोकादायक ठिकाणी वाहने पार्क करणे प्रतिबंधित आहे. अत्यावश्यक सेवा वाहनांना सूट देण्यात आली असली तरी, दुचाकी वाहनांपासून ते जड वाहनांपर्यंत सर्व वाहने धबधबा, धरण आणि नदीच्या परिसरात प्रवेश करू शकत नाहीत.