Simhastha Kumbh Mela 2027 in Nashik: 'नाशिक सिंहस्थ कुंभमेळा 2027 ची तयारी पूर्ण झाली'; मुख्यमंत्री देवेंद्र फडणवीस यांची माहिती
देवेंद्र फडणवीस यांनी सांगितले की, आपल्या गोदावरी मातेचा प्रवाह स्वच्छ आणि अखंडित राहावा यासाठी एक योजना देखील तयार करण्यात आली आहे. 2 हजार कोटी रुपयांची कामे सुरू आहेत. एकूणच, येथे एक दिव्य आणि भव्य मेळा आयोजित करण्यासाठी तयारी करण्यात आली आहे.
Simhastha Kumbh Mela 2027 in Nashik: आज मुख्यमंत्री देवेंद्र फडणवीस (CM Devendra Fadnavis) यांनी नाशिकमध्ये होणाऱ्या सिंहस्थ कुंभमेळा 2027 (Simhastha Kumbh Mela 2027) च्या तयारीबाबत चर्चा करण्यासाठी विविध आखाड्यांच्या प्रमुखांसोबत बैठक घेतली. यानंतर देवेंद्र फडणवीस यांनी सांगितले की, नाशिक आणि त्र्यंबकेश्वरच्या कुंभमेळ्यासंदर्भात एक बैठक आयोजित करण्यात आली होती, ज्यामध्ये 13 प्रमुख आखाडे देखील उपस्थित होते. आम्ही सर्व महंत, संत, पुजारी यांच्या उपस्थितीत या कार्यक्रमावर चर्चा केली. नाशिक सिंहस्थ कुंभमेळा 2027 ची तयारी पूर्ण झाली असल्याचं मुख्यमंत्र्यांनी सांगितलं आहे. गोदावरी नदीची स्वच्छता सुनिश्चित करण्यासाठी सरकारने एक योजना आखली असल्याचंही यावेळी फडणवीस यांनी नमूद केलं.
देवेंद्र फडणवीस यांनी सांगितले की, आपल्या गोदावरी मातेचा प्रवाह स्वच्छ आणि अखंडित राहावा यासाठी एक योजना देखील तयार करण्यात आली आहे. 2 हजार कोटी रुपयांची कामे सुरू आहेत. एकूणच, येथे एक दिव्य आणि भव्य मेळा आयोजित करण्यासाठी तयारी करण्यात आली आहे. तथापि, मार्चमध्ये महाराष्ट्राचे जलसंपदा आणि आपत्ती व्यवस्थापन मंत्री गिरीश महाजन यांनी आगामी नाशिक कुंभमेळा 2027 च्या तयारीचा आढावा घेतला होता. (हेही वाचा - Majhi Ladki Bahin Yojana: 'माझी लाडकी बहिण योजने'साठी इतर विभागांचा निधी वळवल्याचा विरोधकांचा आरोप; CM Devendra Fadnavis यांनी दिले स्पष्टीकरण)
नाशिक सिंहस्थ कुंभमेळा 2027 ची तयारी पूर्ण झाली - मुख्यमंत्री देवेंद्र फडणवीस
🔱A festival of timeless spiritual awakening — where devotion meets tradition!
CM Devendra Fadnavis chairs a meeting regarding the preparations for the successful organisation of the ‘Simhastha Kumbh Mela 2027’ — a vibrant symbol of India’s spiritual heritage, tradition, and… pic.twitter.com/84CygYqdrf
— CMO Maharashtra (@CMOMaharashtra) June 1, 2025
यावेळी पवित्र स्नानासाठी नवीन स्थळ ओळखण्याच्या योजनांचाही मंत्री महोदयांनी उल्लेख केला होता. भारतातील सर्वात मोठ्या धार्मिक मेळ्यांपैकी एक असलेला नाशिक कुंभमेळा दर 12 वर्षांनी भरतो. महाराष्ट्र सरकार कुंभमेळाव्यादरम्यान, स्वच्छता, सुरक्षा आणि पायाभूत सुविधांच्या विकासासह सुरळीत व्यवस्था सुनिश्चित करण्यावर लक्ष केंद्रित करत आहे. येत्या काही महिन्यांत अधिकारी महत्त्वाचे निर्णय अंतिम करतील अशी अपेक्षा आहे.
(The above story first appeared on LatestLY on Jun 01, 2025 08:01 PM IST. For more news and updates on politics, world, sports, entertainment and lifestyle, log on to our website latestly.com).
