Mumbai Crime: भांडूपमध्ये 10 वर्षीय मुलीचा विनयभंग केल्याप्रकरणी पोलीस कॉन्स्टेबलला अटक, भांडुप पोलिसांनी घेतलं ताब्यात

भांडुप पोलिसांनी (Bhandup police) 10 वर्षीय मुलीचा विनयभंग (Molesting) केल्याप्रकरणी वरळी लोकल आर्म्स युनिटशी (Worli Local Arms Unit) संलग्न असलेल्या एका पोलीस कॉन्स्टेबलला (Police Constable) अटक केली आहे.  विभागीय चौकशीपर्यंत आरोपी पोलिस कर्मचाऱ्यांना सेवेतून निलंबित (Suspended) करण्यात आले आहे. आरोपी हर्षल बोडके हा कल्याण येथील रहिवासी आहे. पोलिस अधिकाऱ्यांनी दिलेल्या माहितीनुसार, बोडके हा गेल्या आठवड्यात त्याच्या इतर दोन मित्रांसह भांडुपच्या एका बारमध्ये गेला होता. मद्यपान केल्यानंतर हे तिघे रेल्वे स्थानक परिसरात दुचाकीवरून फिरत होते. फिर्यादीनुसार, आरोपीने दुचाकीवरून खाली उतरून तिच्या मुलीला अयोग्यरित्या स्पर्श केला. तिने आरडाओरड केली आणि या प्रकरणाची तक्रार करण्यासाठी भांडुप पोलिस स्टेशनला धाव घेतली.

महिला आणि तिची मुलगी रत्नागिरीहून मुंबईत आले होते. तिच्या तक्रारीच्या आधारे, पोलिसांनी 15 नोव्हेंबर रोजी गुन्हा नोंदवला आणि बोडकेला भारतीय दंड संहिता आणि लैंगिक गुन्ह्यांपासून मुलांचे संरक्षण कायदा, 2012 च्या संबंधित कलमांतर्गत अटक केली. दोन दिवसांच्या पोलिस कोठडीनंतर, स्थानिक न्यायालयाने त्यांची रवानगी तुरुंगात केली आहे. हेही वाचा Online Fraud Case: रायगड मध्ये 55 वर्षीय व्यक्तीची ऑनलाईन खरेदी दरम्यान 2.83 लाखांची फसवणूक

भांडुप पोलिस ठाण्यातील एका पोलिस अधिकाऱ्याने सांगितले की, चौकशी दरम्यान बोडकेने दावा केला की त्याने मुलीचा विनयभंग करण्याच्या उद्देशाने तिला स्पर्श केला नाही. गेल्या पाच वर्षांपासून आपले लग्न झाले असून त्याला मूलबाळ नाही, असा दावा त्याने केला. त्याला लहान मुले आवडतात आणि तो फक्त मुलीशी बोलण्याचा प्रयत्न करत होता, असा दावा त्याने चौकशीत केला. तथापि, पोलिस विभागाने त्याचे कृत्य लज्जास्पद आणि अनैतिक असल्याचे प्रथमदर्शनी पाहिले आणि म्हणून, त्याला निलंबित केले. निलंबनाचा आदेश वरळी एलए विभागाच्या पोलीस उपायुक्तांनी जारी केला आहे.