Pankaja and Pritam Munde Share Stage With Sharad Pawar: पंकजा मुंडे आणि प्रीतम मुंडे यांनी शरद पवारांसोबत शेअर केले स्टेज

Pankaja and Pritam Munde Share Stage With Sharad Pawar: भाजपचे दिग्गज नेते गोपीनाथ मुंडे (Gopinath Munde) यांचे कुटुंब पक्षात समाधानी नाही का? असा प्रश्न अनेकांना विविध घटनांवरून नेहमी पडतो. गोपीनाथ मुंडे यांच्या दोन मुली पंकजा मुंडे (Pankaja Munde) आणि प्रीतम मुंडे (Pritam Munde) बुधवारी नेत्र चिकित्सालय कार्यक्रमात राष्ट्रवादी काँग्रेसचे अध्यक्ष शरद पवार (Sharad Pawar) यांच्यासोबत मंचावर उपस्थित राहिल्या. या दोघी बहिणींशिवाय भाजप (BJP) चा अन्य कोणताही नेता या कार्यक्रमाला उपस्थित राहिला नाही. दोघी बहीणीच्या उपस्थितीच्या वृत्ताने अटकळांना वेग आला आहे. शरद पवार यांच्याशिवाय महाराष्ट्र विकास आघाडी सरकारच्या अनेक मंत्र्यांनी या कार्यक्रमाला हजेरी लावली.

पंकजा मुंडे यांच्याकडे भाजपने राष्ट्रीय सचिवपदाची जबाबदारी दिली आहे. तर त्यांची बहीण प्रीतम मुंडे या खासदार आहेत. बुधवारी शरद पवार यांनी प्रभादेवी येथील सभागृहात रघुनाथ नेत्रालयाचे उद्घाटन केले. प्रसिद्ध नेत्रतज्ज्ञ डॉ.टी.पी.लहाणे यांनी याची स्थापना केली आहे. या कार्यक्रमाला आदित्य ठाकरे, धनंजय मुंडेही उपस्थित राहिले. या कार्यक्रमाला काँग्रेस नेते आणि महसूलमंत्री बाळासाहेब थोरात उपस्थित होते. (हेही वाचा - Nagpur: राज्यात ओबीसी आरक्षणावरून गदारोळ, माविआ सरकारच्या विरोधात भाजप रस्त्यावर उतरण्याच्या तयारीत)

भाजपच्या एका नेत्याने सांगितले की, "डॉ. लहाने वंजारी समाजातून येतात. जो पश्चिम महाराष्ट्र आणि मराठवाड्यातील प्रभावशाली समुदाय आहे. मुंडे हे देखील याच समाजाचे असून हा त्यांच्यातील समान दुवा आहे. याशिवाय लहाने हे बीडच्या शेजारी असलेल्या लातूर जिल्ह्यातील आहेत. याशिवाय लहाने यांच्या दोन्ही बहिणींचे वडील गोपीनाथ मुंडे यांच्याशीही चांगले संबंध होते. मुंडे भगिनींचा या कार्यक्रमात असणे राजकीयदृष्ट्या महत्त्वाचे आहे. महाराष्ट्रातील इतर पक्षांच्या नेत्यांसोबत स्टेज शेअर करणे ही महाराष्ट्राच्या राजकारणात नवीन गोष्ट नाही. यापूर्वी 2016 मध्ये राष्ट्रवादीचे नेते छगन भुजबळ यांना रुग्णालयात दाखल करण्यात आले होते, तेव्हा त्यांना भेटण्यासाठी मुंडे भगिनी आल्या होत्या.

गेल्या काही दिवसांपासून पंकजा आणि प्रीतम मुंडे भाजपमध्ये उपेक्षित असल्याचे जाणवत आहे. त्यांचे महाराष्ट्र भाजप नेतृत्वाशी मतभेद असल्याचे बोलले जात आहे. गेल्या वर्षी केंद्रीय मंत्रिमंडळाचा विस्तार झाला, त्यात प्रीतम मुंडे यांना मंत्रीपद मिळण्याची अपेक्षा होती. मात्र, ती पूर्ण होऊ शकली नाही. असे न झाल्याने या दोघींनी मुंबईत शक्ती प्रदर्शन केलं. प्रीतम मुंडे यांच्या जागी राज्यसभा खासदार भागवत कराड यांना मंत्रीपद देण्यात आले. कराड हे मुंडे भगिनींचे वडील गोपीनाथ मुंडे यांचेही निकटचे नेते राहिले आहेत.

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)