Nagpur Winter Session 2019 Day 3: महाविकास आघाडी सरकारमध्ये विसंवाद: देवेंद्र फडणवीस यांचा आरोप

महाविकास आघाडी सरकारमध्ये विसंवाद असल्याचा आरोप  देवेंद्र फडणवीस यांनी लावला आहे. दरम्यान राज्यपालांच्या अभिभाषणावर चर्चा  करताना शरद पवारांवरील टीकेवर 'सामना' वृत्तपत्रातील लेखांमधून करण्यात आलेल्या भाष्यावरून पुन्हा विधानसभेतील वातावरण तापले आहे.  दरम्यान धनंजय मुंडे यांनी याबद्दल आक्षेप नोंदवला आहे. 

मुख्यमंत्री उद्धव ठाकरे उपस्थित नसल्याने विरोधक नाराज आहेत. विरोधी पक्षनेते देवेंद्र फडणवीस यांनी विधानसभेत बोलताना मुख्यमंत्री अनुपस्थित असणंं योग्य असल्याचं म्हटलं आहे. दरम्यान महाविकास आघाडीमधील विसंवाद समोर येत आहे. जनादेश नसताना राष्ट्रवादी, कॉंग्रेस सत्तेत बसल्याचं त्यांनी म्हटलं आहे.  

अशोक चव्हाण यांनी CAA  घटनाबाह्य असल्याचं म्हटलं अहे. तर  यावरून सध्या विधानसभेत गदारोळ सुरू आहे. विरोधीपक्ष नेते देवेंद्र फडणवीस यांनी 'घटनाबाह्य' शब्दावर आक्षेप घेतला आहे. 

CAA  राज्यात लागू करण्यावरून विधानसभेत सत्ताधारी आणि विरोधकांमध्ये खडाजंगी झाली आहे. दरम्यान  विधानसभा अध्यक्ष नाना पटोले यांनी 10  मिनिटं सभागृह तहकूब केलं आहे.  

विधानसभेत आज तिसर्‍या दिवशी नागरिकत्त्व कायदा तातडीने लागू करण्याची मागणी भाजपाने केली आहे. यानंतर विधानसभेत चर्चा सुरू आहे. दरम्यान आजही सभागृहात गदारोळाची स्थिती आहे.  

 नागपूर महापौर गोळीबार प्रकरणावर विधानसभेत गदारोळ झाला आहे. सुधीर मुनगंटीवार यांनी कायदा व सुव्यवस्थेची स्थिती निर्माण सुरू झाल्याचं म्हटलं आहे. नागपूर महापौर संदीप जोशी यांच्यावर जीवघेणा हल्ला; गाडीवर झालेल्या गोळीबारात सुदैवाने बचावले.  इथे वाचा सविस्तर वृत्त  

मागील दोन दिवसांप्रमाणेच आज विधिमंडळ हिवाळी अधिवेशनाचा तिसरा दिवस देखील गाजणार आहे. शेतकर्‍यांच्या मुद्द्यावरून आज विरोधक आक्रमक झाले आहे.