Mumbai Online Fraud: भारतीय नौदलाचा कॅप्टन असल्याचे सांगत Matrimonial Site वरून मुंबईतील महिलेची 6.25 लाखांची फसवणूक
एका मराठी वैवाहिक वेबसाइटवर (Matrimonial Site) भारतीय नौदलाचा (Navy) कॅप्टन असल्याचे भासवणाऱ्या सायबर भामट्याने एका 42 वर्षीय महिलेची 6.25 लाख रुपयांची फसवणूक (Online Fruad) केली आहे.
एका मराठी वैवाहिक वेबसाइटवर (Matrimonial Site) भारतीय नौदलाचा (Navy) कॅप्टन असल्याचे भासवणाऱ्या सायबर भामट्याने एका 42 वर्षीय महिलेची 6.25 लाख रुपयांची फसवणूक (Online Fruad) केली आहे. फिर्यादीने पोलिसांना सांगितले की, तिने आपली सर्व बचत संपवली आणि आरोपीला पैसे देण्यासाठी तिच्या आई आणि बहिणीचे सोन्याचे दागिने गहाण ठेवले होते. या प्रकरणी शनिवारी चारकोप पोलिस ठाण्यात (Charkop police station) एफआयआर दाखल करण्यात आला आहे. फिर्यादीने पोलिसांना सांगितले की तिने या वर्षी मार्चमध्ये संगम मॅट्रिमोनिअल वेबसाइटवर (Sangam Matrimonial Website) प्रोफाइल बनवले होते आणि तेव्हापासून तिला योग्य वरांसाठी सूचना असलेले मेसेज येत आहेत.
तिने अशाच एका मेसेजला प्रतिसाद दिला जिथे तिला फसवणूक करणाऱ्याकडून स्वारस्य प्राप्त झाले. ज्याने अलेक्स पटेल या काल्पनिक नावाने बनावट प्रोफाइल तयार केले होते. आपण भारतीय नौदलात कॅप्टन असल्याचे त्याने महिलेला सांगितले. ती गरीब कुटुंबातील असून इंग्रजीत बोलू शकत नसल्याचे तक्रारदाराने सांगितले. मात्र, फसवणूक करणार्‍याने तिला सांगितले होते की तो तिच्यावर प्रेम करतो आणि एक आठवडा गप्पा मारल्यानंतर त्याने सांगितले की त्याने महागड्या भेटवस्तू पाठवल्या आहेत ज्या तिला लवकरच कुरिअरने मिळतील.
काही दिवसांनंतर, फसवणूक करणार्‍याच्या सहाय्यकाने तिच्याशी व्हॉट्सअॅपवर संपर्क साधला आणि सांगितले की तो कुरिअर कंपनीचा कर्मचारी आहे. तसेच भेटवस्तू वितरित करण्यासाठी तिला प्रक्रिया शुल्क भरावे लागेल. महिलेने फी भरल्यानंतर फसवणूक करणार्‍याने तिला सांगितले की गिफ्टमध्ये 30,000 डॉलर्स तसेच बरेच दागिने आहेत आणि त्यामुळे आणखी पैसे द्यावे लागतील. हेही वाचा Madhya Pradesh: पत्नीने टॉवेल देण्यास उशीर केल्याने संतापलेल्या पतीने डोक्यात घातले फावडे, मृत्यू
त्यानंतर तिने अॅलेक्सशी संवाद साधला ज्याने तिला पैसे देण्यास परावृत्त केले. महिलेने 6.25 लाख रुपये दिले आणि नंतर तिला फसवणूक झाल्याचे लक्षात आले. त्यानंतर तिने पोलीस ठाण्यात धाव घेत झालेल्या फसवणूकीबद्दल सांगितले. या प्रकरणाचा तपास पोलीस करत आहेत.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)