Mumbai Water Cut Alert: पावसात नाही पाणी! मुंबईमध्ये 19 जून रोजी अंधेरी पश्चिम भागात 11 तास जलकपात; व्हॉल्व्ह दुरुस्तीसाठी पुरवठा खंडित

मुंबईतील अंधेरी पश्चिम भागातील रहिवाशांना गुरुवारी (19 जून) नियोजित पाणी कपातीची (Andheri West Water Supply Cut ) तयारी करावी लागणार आहे. बृहन्मुंबई महानगरपालिका (BMC) वांद्रे आणि वेसावे पाणी पाईपलाईनवर तातडीचे व्हॉल्व्ह (झडप) दुरुस्तीचे काम (Urgent Valve Repair Work) हाती घेत आहे. दुरुस्तीच्या कामामुळे 19 जून रोजी दुपारी 2.00 वाजल्यापासून ते शुक्रवार, 20 जून रोजी मध्यरात्री 1.00 वाजेपर्यंत 11 तास पाणीपुरवठा खंडित (Mumbai Water Cut) होईल. दुरुस्तीचे काम गुरुवारी दुपारी 2:00 वाजता सुरू होऊन शुक्रवार 20 जून रोजी पहाटे 1:00 वाजेपर्यंत सुरू राहील.

पाणीकपातीचे कारण

मुंबई महापालिका अधिकाऱ्यांनी दिलेल्या माहितीनुसार, शहरातील दीर्घकालीन पाणी वितरण सुधारण्यासाठी ही देखभाल आवश्यक आहे. नियोजित कामात गोपाळकृष्ण गोखले पुलाखालील वांद्रे पाणी पाईपलाईनवरील 1350 मिमी फ्लो कंट्रोल व्हॉल्व्ह (झडप) बदलणे आणि वेसावे पाणी पाईपलाईनवर 900 मिमी बटरफ्लाय व्हॉल्व्ह बदलण्याचे काम या कालावधीत हाती घेतले जाणार आहे. या दुरुस्तीमुळे के वेस्ट विभागीय कार्यालयाच्या हद्दीतील अनेक भागांतील पाणीपुरवठा पूर्णतः बंद राहणार आहे. त्यामुळे महानगरपालिकेने प्रभावित भागातील रहिवाशांना पुरेसा पाणी साठवून ठेवण्याचा आणि बंद असताना ते काटकसरीने वापरण्याचा सल्ला दिला आहे. (हेही वाचा: Waterlogging On Metro Line 3: मुंबईतील पावसामुळे मेट्रो लाईन 3 वरील आचार्य अत्रे चौक स्थानकात साचले पाणी; MMRC ने जारी केले स्पष्टीकरण)

पाणीकपात असलेले भाग

• पाणी कपातीचा परिणाम झालेल्या भागात पार्ले पश्चिमेकडील काही भाग (जसे की लल्लूभाई उद्यान, लोहिया नगर आणि पार्ले गावठाण), मोरागाव (जुहू गावठाण क्र. 01 व 02), आणि अंधेरी (पश्चिम) मधील गिल्बर्ट हिल, जुहू गली आणि सागर सिटी सोसायटी यांचा समावेश आहे.
• पार्ले वेस्ट व मोरा गाव या भागांमध्ये 2:30 PM ते 4:30 PM दरम्यान मर्यादित पाणीपुरवठा होण्याची शक्यता आहे.
• गिल्बर्ट हिल, जुहू गली, सागर सिटी सोसायटी येथे 10:00 PM ते 12:30 AM या वेळेत पाणीपुरवठा होईल.

पालिकेचे अवाहन

बृहन्मुंबई महानगरपालिकेने सांगितले की, भविष्यात अधिक विश्वासार्ह आणि मजबूत पाणीपुरवठा व्यवस्था सुनिश्चित करण्याच्या प्रयत्नांचा एक भाग म्हणून ही दुरुस्ती करण्यात येत आहे. रहिवाशांना सहकार्य करण्याची आणि त्यानुसार त्यांच्या पाण्याच्या वापराचे नियोजन करण्याची विनंती पालिकेकडून करण्यात आली आहे.

पाणी कपात म्हणजे विविध उपक्रम, उद्योग आणि दैनंदिन जीवनात पाण्याचा वापर कमी करणे किंवा पाण्याचा अपव्यय कमी करणे. यामध्ये पाण्याची बचत करणारी उपकरणे वापरणे, गळती दूर करणे, शेतीमध्ये शाश्वत सिंचनाचा सराव करणे आणि सांडपाण्याचा पुनर्वापर करणे यासारख्या धोरणांचा समावेश असू शकतो. या महत्त्वाच्या संसाधनाचे जतन करणे, पर्यावरणीय परिणाम कमी करणे आणि भविष्यातील पिढ्यांसाठी पाण्याची उपलब्धता सुनिश्चित करणे हे ध्येय आहे.

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)