उद्या मुंबई-पुणे द्रुतगती मार्गावरील वाहतूक दोन तास बंद राहणार, प्रवाशांचे होणार हाल

प्रतिकात्मक फोटो (फोटो सौजन्य-फाइल इमेज)

उद्या (9मे) मुंबई-पुणे द्रुतगती मार्गावरील वाहतूक दोन तासांसाठी बंद ठेवण्यात येणार आहे. तर दुपारी 12 ते 2 दरम्यान वाहतूक पूर्णपणे बंद राहणार असल्याचे राज्य वाहतूक विभागाकडून सांगण्यात आले आहे. यामुळे प्रवाशांचे हाल होणार आहेत.

महाराष्ट्र राज्य रस्ते सुधारणा महामंडळ लिमिटेड यांच्यातर्फे मुंबई-पुणे द्रुतगती मार्गावर किमी 55/600 आणि 88/00 ओव्हरहेड गॅन्ट्री बसवण्यात येणार आहेत. त्यामुळे दोन्ही मार्गावरील वाहतूक बंद राहणार आहे. तर जड सामान आणि मालवाहतूक घेऊन जाणारी वाहने द्रुतगती मार्गावरील 85/500 या ठिकाणी थांबवण्यात येणार आहेत.(मुंबई: आज बांद्रा येथील गर्डरच्या कामामुळे रात्रकालीन ब्लॉक, हार्बर-पश्चिम मार्गावरील वाहतूक वळवली)

तर चारचाकी आणि अन्य वाहाने येथील मार्गावरील किवळे ब्रिज येथून जुना मुंबई-पुणे महामार्ग (MH4) कडून मुंबईच्या दिशेला वळवण्यात येणार आहेत. त्यामुळे प्रवाशांनी याची नोंद घ्यावी असे आवाहन पोलिसांकडून करण्यात आले आहे.