मुंबई पुणे आणि कोकण रेल्वे मार्गावरील ट्रेन्सला जोडले जाणार अत्याधुनिक LHB Coaches, प्रवास होणार अधिक सुसाट आणि सुरक्षित
10 जून ते 31ऑगस्ट या कालावधीत नवीन एलएचबी डब्यांसह कोकण मार्गावर दोन ट्रेन्स धावणार आहेत. या एक्स्प्रेस 22 डब्यांच्या असणार असून त्यामध्ये 4 जनरल डबे 9 स्लीपर डब्यांचा समावेश आहे.
मुंबई -पुणे (Mumbai - Pune) आणि कोकण मार्गावरील रेल्वेचा (Konkan Railway) प्रवास आता अधिक सुखकर आणि आरामदायी होणार आहे. पुढील महिन्यापासून कोकणकन्या एक्स्प्रेस (Konkan Kanya Express) आणि मांडवी एक्स्प्रेस (Mandovi Express) या ट्रेनसोबतच मुंबई पुणे मार्गावरील इंद्रायणी (Indrayani Express) आणि डेक्कन क्विन एक्स्प्रेसमध्ये (Deccan Queen) एलएचबी डब्बे (LHB Coaches) जोडले जाणार आहेत. यामुळे प्रवाशांचा प्रवास अधिक आरामदायी होणार आहे.
LHB Coach चं वैशिष्ट्य काय?
- ICF च्या ऐवजी आता LHB कोच रेल्वेच्या डब्ब्यांना जोडले जाणार आहेत. हे स्टेन्लेस स्टीलने बनलेले असतात तर इंटिरियर अ‍ॅल्युमिलियमचे असल्याने हलके असतात.
- प्रत्येक कोचला Advanced Pneumatic Disc Brake System यांनी सज्ज असेल.
- मॉड्युलर इंटिरियर, एलईडी लाईटिंग़, लगेज रॅक्स, मोठ्या खिडक्या असतील.
- हायड्रॉलिक शॉक अ‍ॅब्सॉरर्बर (hydraulic shock absorber)आणि इम्प्रुव्हड सस्पेंशन सिस्टीम (Improved Suspension System)यामुळे प्रवास अधिक आरामदायी होणार आहे.
- सेंटर बफर कपलिंगमुळे उन्हाळ्यात आणि हिवाळ्यात प्रवास अधिक सुरक्षित होणार आहे.
- कोकण रेल्वे आणि मुंबई -पुणे मार्गावरील हे नवे बदल 10 जूनपासून अंमलात येणार आहेत. एलएचबी डब्यांमुळे आता एक्सप्रेसचा ताशी वेग 130 होणार आहे.
10 जून ते 31ऑगस्ट या कालावधीत नवीन एलएचबी डब्यांसह कोकण मार्गावर दोन ट्रेन्स धावणार आहेत. या एक्स्प्रेस 22 डब्यांच्या असणार असून त्यामध्ये 4 जनरल डबे 9 स्लीपर डब्यांचा समावेश आहे. 1 सप्टेंबरपासून या दोन्ही एक्स्प्रेस कायमस्वरूपी एलएचबी डब्ब्यासह धावणार आहेत.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)