गणेशोत्सवादरम्यान मुंबई मेट्रोची अॅक्वा लाईन 14 ते 25 सप्टेंबरपर्यंत मध्यरात्रीपर्यंत धावणार
गणेशोत्सवाच्या पार्श्वभूमीवर मुंबई मेट्रो रेल कॉर्पोरेशनने अॅक्वा लाईन अर्थात मेट्रो 3 च्या सेवा 14 ते 25 सप्टेंबर दरम्यान मध्यरात्रीपर्यंत वाढवण्याचा निर्णय घेतला आहे, ज्यामुळे भाविकांना गणेशदर्शनासाठी अधिक वेळ मिळणार आहे.
गणेशोत्सवाच्या काळात मुंबईकरांना सार्वजनिक गणपतींचं दर्शन आणि विसर्जन मिरवणुकांना भेट देण्यासाठी पुरेसा वेळ मिळावा यासाठी मुंबई मेट्रो रेल कॉर्पोरेशनने (MMRC) महत्त्वाचा निर्णय घेतला आहे. अॅक्वा लाईन अर्थात मेट्रो 3 (Mumbai Metro 3) मार्गावरील सेवा 14 सप्टेंबर ते 25 सप्टेंबर या कालावधीत मध्यरात्रीपर्यंत सुरू ठेवण्यात येणार आहेत. मुंबई मेट्रो 3 अर्थात अॅक्वा लाईन ही कुलाब्यातील कफ परेड ते आरे जेव्हीएलआर दरम्यान धावणारी भूमिगत मेट्रो सेवा आहे. सण-उत्सवांच्या काळात प्रवाशांची वाढती संख्या लक्षात घेऊन एमएमआरसीकडून यापूर्वीही अशा प्रकारे सेवांच्या वेळेत बदल करण्यात आले आहेत.
मुंबई मेट्रोची अॅक्वा लाईन मध्यरात्रीपर्यंत प्रवाशांच्या सेवेत
Mumbai Metro Rail Corporation (MMRC) will extend services on the Aqua Line (Metro 3) till midnight from September 14 to 25 to facilitate travel during Ganeshotsav.
The last trains from Cuffe Parade and Aarey JVLR, which normally depart at 10.30pm, will now run until midnight,… pic.twitter.com/qKBM64YKJQ
— Richa Pinto (@richapintoi) September 5, 2026
सध्या कफ परेड आणि आरे जेव्हीएलआर या दोन्ही स्थानकांवरून रात्री 10.30 वाजता शेवटची मेट्रो सुटते. मात्र गणेशोत्सव कालावधीत ही वेळ वाढवण्यात आली असून आता या दोन्ही स्थानकांवरून शेवटची मेट्रो रात्री 12 वाजेपर्यंत उपलब्ध असेल. यामुळे भाविकांना रात्री उशिरापर्यंत गणेश दर्शनासाठी फिरता येईल आणि घरी परतण्यासाठीही मेट्रोची सुविधा मिळेल.
भाविकांना होणारा फायदा
गणेशोत्सव काळात मुंबईतील रस्त्यांवर मोठ्या प्रमाणात वाहतूक कोंडी होते. अशा परिस्थितीत मेट्रो सेवांचा विस्तारित वेळ भाविकांसाठी दिलासादायक ठरणार आहे. रस्त्यावरील गर्दी टाळून वेळेत आणि सुरक्षितपणे प्रवास करण्याचा पर्याय यामुळे उपलब्ध होईल.
गणेशोत्सव हा मुंबईतील सर्वात मोठा सण असून, या काळात लाखो भाविक विविध पंडालांना भेट देतात, त्यामुळे सार्वजनिक वाहतूक व्यवस्थेवरही मोठा ताण येतो. यंदा सार्वजनिक गणेशोत्सव बारा दिवसांचा आहे. 14 ते 25 सप्टेंबर दरम्यान मुंबईत अनेक ठिकाणी सार्वजनिक मंडळांमध्ये बाप्पा विराजमान असतील. यासोबतच घरगुती गणेशोत्सव देखील मोठ्या जल्लोषात साजरा होणार आहे.
(The above story first appeared on LatestLY on Sep 05, 2026 06:40 PM IST. For more news and updates on politics, world, sports, entertainment and lifestyle, log on to our website latestly.com).
