Mumbai Mega Block: मुंबईकरांनो लक्ष द्या, पश्चिम आणि मध्य मार्गावर रेल्वे रविवारी घेणार मेगाब्लॉक

पश्चिम रेल्वे (Western Railway ) आणि मध्य रेल्वे (Central Railway) रविवारी, 16 ऑक्टोबर रोजी मेगा ब्लॉक (Mega Blocks) घेणार आहेत. पश्चिम रेल्वेने शुक्रवारी जारी केलेल्या निवेदनात म्हटले आहे की मरीन लाइन्स स्टेशन आणि माहीम जंक्शन स्टेशन दरम्यान जंबो ब्लॉक घेण्यात येईल. त्यात म्हटले आहे की, ट्रॅक, सिग्नलिंग आणि ओव्हरहेड उपकरणांच्या देखभालीचे काम करण्यासाठी मरीन लाइन्स (Marine Lines) आणि माहीम जंक्शन (Mahim Junction) स्थानकांदरम्यान डाऊन धिम्या मार्गावर सकाळी 10.35 ते दुपारी 3:35 या वेळेत पाच तासांचा जम्बो ब्लॉक (Jumbo Block) घेण्यात येईल.

पश्चिम रेल्वेचे CPRO सुमित ठाकूर यांनी जारी केलेल्या प्रसिद्धीपत्रकानुसार, "ब्लॉक कालावधीत, सर्व धीम्या मार्गावरील उपनगरीय डाऊन गाड्या मरीन लाइन्स आणि माहीम स्थानकादरम्यान डाऊन फास्ट मार्गावर चालवल्या जातील. या वळवलेल्या गाड्या महालक्ष्मी येथे थांबणार नाहीत. वांद्रे आणि मुंबई सेंट्रल स्थानकांदरम्यान प्रवाशांना त्यांच्या गंतव्यस्थानासाठी विरुद्ध दिशेने प्रवास करण्याची परवानगी आहे. सर्व डाऊन स्लो सेवांना लोअर परळ आणि माहीम जंक्शन येथे दुहेरी थांबा मिळेल. ब्लॉक दरम्यान काही उपनगरीय गाड्या रद्द राहतील . (हेही वाचा, Mumbai Local Train E-Pass: मुंबई लोकल ट्रेनचा Universal Travel Pass मिळवण्यासाठी epassmsdma.mahait.org वर कसा अर्ज करायचा? येथे मिळवा संपूर्ण माहिती)

दरम्यान, सीआरने एका निवेदनात म्हटले आहे की, ते 16 ऑक्टोबर रोजी विविध अभियांत्रिकी आणि देखभालीची कामे करण्यासाठी त्याच्या उपनगरीय विभागांवर एक मेगा ब्लॉक घेतला जाईल. छत्रपती शिवाजी महाराज टर्मिनस (सीएसएमटी) मुंबईहून सकाळी 10.14 ते दुपारी 3.38 या वेळेत डाऊन धीम्या मार्गावरील सेवा सायन, कुर्ला, घाटकोपर, विक्रोळी, भांडुप, मुलुंड आणि ठाणे येथे थांबणाऱ्या माटुंगा आणि ठाणे स्थानकांदरम्यान डाऊन जलद मार्गावर वळवण्यात येतील. धीम्या मार्गावर आणि नियोजित वेळेच्या 15 मिनिटांनी लोकल गंतव्यस्थानावर पोहोचेल.

सकाळी 10.25 ते दुपारी 3.10 पर्यंत कल्याणहून सुटणाऱ्या अप धिम्या मार्गावरील सेवा ठाणे ते माटुंगा दरम्यान अप जलद मार्गावर वळवण्यात येईल. या गाड्या ठाणे, मुलुंड, भांडुप, विक्रोळी, घाटकोपर, कुर्ला आणि सायन येथे थांबेल, पुढे माटुंगा येथे अप धीम्या मार्गावर वळवण्यात येईल. या गाड्या साधारण 15 मिनीटे उशीरा धावतील.

सकाळी 11.00 ते 5.00 या वेळेत सीएसएमटीहून सुटणाऱ्या/येणाऱ्या सर्व अप आणि डाऊन लोकल नियोजित वेळेपेक्षा 15 मिनिटे उशिरा धावतील. सकाळी 10.33 ते दुपारी 3.49 वाजेपर्यंत पनवेलहून सुटणारी छत्रपती शिवाजी महाराज टर्मिनस मुंबईकडे जाणारी अप हार्बर मार्गावरील सेवा आणि सकाळी 9.45 ते दुपारी 3.12 वाजेपर्यंत छत्रपती शिवाजी महाराज टर्मिनस मुंबईहून सुटणारी पनवेल/बेलापूरकडे जाणारी अप हार्बर मार्गावरील सेवा रद्द राहतील," असे मध्य रेल्वेने सांगितले.

पनवेलहून सकाळी 11.02 ते दुपारी 3.53 पर्यंत ठाण्याकडे जाणार्‍या अप ट्रान्सहार्बर मार्गावरील सेवा आणि सकाळी 10.01 ते दुपारी 3.20 या वेळेत ठाण्याहून सुटणाऱ्या पनवेलकडे जाणार्‍या ट्रान्सहार्बर मार्गावरील सेवा रद्द राहतील.

दरम्यान, ब्लॉक कालावधीत बेलापूर/नेरुळ आणि खारकोपर दरम्यानच्या उपनगरीय रेल्वे सेवा वेळापत्रकानुसार धावतील. ठाणे-वाशी/नेरुळ स्थानकांदरम्यान ट्रान्सहार्बर लाईन सेवा उपलब्ध असेल.

ब्लॉक कालावधीत छत्रपती शिवाजी महाराज टर्मिनस मुंबई - वाशी सेक्शनवर विशेष उपनगरीय गाड्या धावतील," असे प्रसिद्धीपत्रकात म्हटले आहे. दरम्यान, हे मेंटेनन्स मेगा ब्लॉक्स पायाभूत सुविधांच्या देखभालीसाठी आणि सुरक्षिततेसाठी आवश्यक आहेत. प्रवाशांना विनंती करण्यात आली आहे की, त्यामुळे होणाऱ्या गैरसोयीसाठी रेल्वे प्रशासनाला सामोरे जावे, असे मध्य रेल्वेने म्हटले आहे.