Mumbai Coronavirus: मुंबईत कोरोना व्हायरसमुळे पोलिस हवालदाराचा मृत्यू, राज्यात एकूण 96 पोलिस संक्रमित
कोरोना व्हायरसच्या संसर्गामुळेशनिवारी 57 वर्षीय पोलिस हवालदाराचा मृत्यू झाला. मुंबई पोलिसांनी स्वतः सोशल मीडियावरून दिली. कोरोना संक्रमणामुळे पोलिस विभागातील कर्मचाऱ्याची मृत्यू ही, महाराष्ट्रातील पहिली घटना आहे. वरळी नाका भागात राहणारा मृत कॉन्स्टेबल मुंबईच्या वकोला भागात तैनात होता.
कोरोना व्हायरसच्या (Coronavirus) संसर्गामुळे शनिवारी 57 वर्षीय पोलिस हवालदाराचा मृत्यू झाला. मुंबई पोलिसांनी (Mumbai Police) सोशल मीडियावरून दिली. कोरोना संक्रमणामुळे पोलिस विभागातील कर्मचाऱ्याची मृत्यू ही, महाराष्ट्रातील (Maharashtra) पहिली घटना आहे. वरळी नाका भागात राहणारा मृत कॉन्स्टेबल मुंबईच्या वकोला (Vakola) भागात तैनात होता. हे मुंबईच्या एचई पूर्व प्रभागात येते जेथे कोरोना-बाधित रुग्ण सर्वाधिक आहेत. महाराष्ट्रात लॉकडाउन काळात शनिवारपर्यंत एकूण 96 पोलिसांना कोरोना विषाणूची लागण झाली आहे. यामध्ये 15 पोलिस अधिकाऱ्यांचाही समावेश आहे. अधिकृत आकडेवारीवरून कोरोनाची सकारात्मक चाचणी असलेले 7 मुंबई पोलिस कर्मचारी आतापर्यंत बरे झाले आहेत तर इतरांवर उपचार सुरू असल्याचे दिसून आले आहे. लॉकडाउन असूनही, महाराष्ट्रात संसर्ग होण्याचे प्रमाण कमी होत नाही. (Coronavirus: सहा महिन्याच्या कोरोना मुक्त बाळाला डिस्चार्ज, रत्नागिरी जिल्ह्यात पॉझिटिव्ह रुग्णांची संख्या शून्यावर)
मुंबईतील वाकोला पोलिस स्टेशनचे हेड कॉन्स्टेबल चंद्रकांत गणपत पेंडूरकर हे गेल्या काही दिवसांपासून विषाणूशी लढा देत होते, असं मुंबई पोलिसांनी ट्विटमध्ये म्हटलं आहे. महाराष्ट्र, कोरोना प्रादुर्भावाचे केंद्रबिंदू म्हणून उदय झाला आहे. यात मुंबई शहरात सर्वाधिक रुग्ण आढळले आहेत. नुकत्याच जाहीर केलेल्या आकडेवारीनुसार राज्यात दिवसभरात 811 रुग्णांची भर पडली आहे. राज्यात आतापर्यंत 323 रुग्णांचा मृत्यू झाला आहे. सध्या महाराष्ट्रात कोरोनाबाधितांच्या संख्येने 7, 628 चा आकडा गाठला आहे. दुसरीकडे, देशात कोरोनामुळे 779 रुग्णांचा मृत्यू झाला आहे. तर, 5210 रुग्णांनी कोरोनावर मात केली आहे. भारतात सर्वाधिक कोरोनाबाधीत रुग्ण महाराष्ट्रात आढळून आले आहेत.
Mumbai Police regrets to inform about the untimely demise of Head Constable Chandrakant Ganapat Pendurkar (57) from Vakola PStn, who was battling Coronavirus for the past few days.
May the departed soul rest in peace. Our thoughts and prayers are with the bereaved family.
— Mumbai Police (@MumbaiPolice) April 25, 2020
कोरोनावर नियंत्रण ठेवण्याच्या भारताच्या प्रयत्नांत पुढे असलेल्या देशातील अन्य पोलिस अधिकाऱ्यांनाही या व्हायरसची लागण झाली आहे. कोतवाली येथील दिल्ली पोलिस गुन्हे शाखेच्या कार्यालयात तैनात असलेल्या सहाय्यक उपनिरीक्षकास गुरुवारी कोविड-19 निदान झाले. आतापर्यंत दिल्ली पोलिसांच्या एकूण 21 जवानांमध्ये कोविड-19 सकारात्मक चाचणी आढळून आली आहे. मात्र, इतर राज्यांच्या तुलनेत महाराष्ट्र पोलिस कर्मचाऱ्यांना कोरोना विषाणूची लागण सर्वाधिक आहे. आरोग्यकर्मी आणि पोलिसांना संसर्ग होण्याची अनेक प्रकरणं समोर येत आहे.
(The above story first appeared on LatestLY on Apr 25, 2020 11:38 PM IST. For more news and updates on politics, world, sports, entertainment and lifestyle, log on to our website latestly.com).
