प्रतिकात्मक फोटो (फाइल फोटो)

Mumbai:  मुंबईतील 50 वर्षीय वृद्ध वरिष्ठ तिकिट बुकिंग सुपरवायझरने गुरुवारी सकाळी आपल्या कॅबिनमध्येच आत्महत्या केल्याची घटना घडली आहे. किशोर कदम (Kishor Kadam) असे मृत व्यक्तीचे नाव असून त्यांनी आपल्या कॅबिन मध्ये असलेल्या पंख्याला लटकून आत्महत्या केल्याचे सांगण्यात आले आहे. या व्यक्तीने केबल वायर पंख्याला बांधून आपले आयुष्य संपवल्याची माहिती दिली गेली आहे.(Beed Shocking: धक्कादायक! खर्चासाठी पैसे नाही दिले म्हणून पुतण्याकडून चुलत्याची हत्या; बीड येथील घटना)

विद्या विहार पोलीस स्थानकातील अधिकाऱ्यांनी दिलेल्या माहितीनुसार, किशोर कदम हे कल्याण येथील रहिवाशी होते. तर नेहमीच्या वेळेप्रमाणे सकाळी 9 ते संध्याकाळी 7 वाजताच्या ड्युटीसाठी आले होते. परंतु थोड्यावेळाने त्यांच्या सहकर्मचाऱ्याने त्यांनी गळफास लावून घेतल्याचे पाहिल्याचे अधिकाऱ्यांनी सांगितले.(Dhule: फेसबुक लाईव्ह करून धुळ्यातील युवकाचा आत्महत्येचा प्रयत्न; आयर्लंडचे फेसबुक अधिकारी आणि महाराष्ट्र पोलिसांच्या मदतीने वाचले प्राण)

किशोर कदम यांच्याकडे कोणतीही सुसाइट नोट सापडली नाही. तसेच त्यांनी कोणत्या कारणावरुन आत्महत्या केली हे सुद्धा स्पष्ट झाले नसल्याचे पोलिसांनी म्हटले आहे. पोलीस उपायुक्त (झोन VII) प्रशांत कदम यांनी PTI ला असे म्हटले की, प्राथमिक माहितीनुसार अपघाती मृत्यू म्हणून गुन्हा नोंदवला गेल आहे. तसेच या प्रकरणी अधिक तपास केला जाईल असे ही स्पष्ट केले आहे.